एजेन्सी – घरेलु टोली श्रीलंकाले पहिलो टि ट्वान्टी आईमा बंगलादेशलाई ७ पराजित गरेको छ ।

शजको खेल जितेपछि घरेलु टोलीले ३ टि ट्वान्टी आईको सिरिजमा १-० को अग्रता बनाएको छ ।

१ सय ५५ रनको लक्ष्य श्रीलंकाले १९ ओभरमा ३ विकेट गुमाएर पूरा गर्यो । श्रीलंकाको जितमा कुशल मेन्डिसले अर्धशतकीय इनिङ खेले । कुशलले ५१ बलमा ५ चौका र ३ छक्काको सहयोगमा ७३ रन जोडे ।

पथुम निशंका १६ बलमा ५ चौका र ३ छक्काको सहयोगमा ४२ रनमा आउट भए । कुशल परेरा २४ रनमा आउट हुँदा अबिष्का फर्नान्डो ११ रनमा अविजित रहे ।

बंगलादेशका लागि मोहम्मद सैफुदिन, मेहेदी हसन मिराज र रिशाद हुसैनले समान १ विकेट लिए ।

त्यसअघि पाल्लीखेले क्रिकेट स्टेडियममा टस हारेर बलिङको निम्तो पाएको बंगलादेशले निर्धारित २० ओभरमा ५ विकेट गुमाएर १ सय ५४ रन जोडे ।

बंगलादेशका प्रभेज हुसैन २२ बलमा ५ चौका र १ छक्काको सहयोगमा सर्वाधिक ३८ रन बनाउदै आउट भए ।

मोहम्मद नैइम २९ बलमा १ चौका र १ छक्काको सहयोगमा ३२ रनमा अविजित रहे । मेहेदी हसन मिराज २९ तथा तान्जिद हसन १६ रनमा आउट भए ।

श्रीलंकाका लागि महेश तिक्सेनाले २ तथा दासुन शनका, नुवान तुसारा र जेफ्री भण्डिरसेले समान १ विकेट लिए । दोस्रो टि ट्वान्टी आई आइतवार हुनेछ ।