एजेन्सी – नेपालसँग टप इण्ड टि ट्वान्टी सिरिजमा खेल्ने पाकिस्तान ‘ए’ टोलीको घोषणा भएको छ ।

टप इण्ड कपका अर्को महिना अस्ट्रेलियामा हुनेछ। पाकिस्तान क्रिकेट बोर्ड (पिसिबी) ले शनिवार मोहम्मद इरफान खानको कप्तानीमा १५ सदस्यीय टोलीको घोषणा गरेको हो ।

लगातार तेस्रो पटक सिरिजमा भाग लिन लागेको पाकिस्तान ‘ए’ गत संस्करणको सेमिफाइनलमा एडिलेट स्ट्राइकरको एकेडेमी टोलीसँग पराजित भएको थियो ।

नेपाली राष्ट्रिय क्रिकेट टोली र पाकिस्तान ‘ए’ बीचको खेल २२ अगस्टमा छ । सिरिज अगस्ट १४ देखि २४ डार्विन आयोजना हुनेछ । सिरिजमा नेपालसहित ९ टोलीको सहभागिता रहने छ ।

एनटीको आयोजनामा हुने सिरिजमा सहभागी रहने अन्तर्राष्ट्रिय टोलीमा नेपाल, पाकिस्तान ‘ए’, बंगलादेश ‘ए’ र अमेरिकाको माइनर लिग विजेता सिकागो किंग्सम्यान छन् ।

त्यस्तै सिरिजमा बिगबास लिग (बिबिएल) का हर्बट हरिकेन्स, पर्थ स्कोर्चर्स, एडिलेट स्ट्राइकर, मेलवर्न स्टार तथा मेलवर्न रेनेगड्सका टोलीका एकेडेमी टोलीहरु सहभागी हुने छन् । स्थानिय दुई टोली प्रतियोगितामा सहभागिता रहने बताइएको छ ।

खेलतालिका अनुसार खेलहरु पाँच वटा स्थानिय मैदानमा हुनेछ । अगस्ट १४ मा पाकिस्तान ‘ए’ र बंगलादेश ‘ए’ को बीचमा उद्घाटन खेल हुनेछ ।

खेल तालिका अनुसार नेपालको पहिलो खेल अगस्ट १५ (साउन ३०) मा नर्दन टेरिटोरी स्ट्राईकसँग खेल्ने छ ।

दोस्रो खेलमा नेपालले १६ अगस्ट मा बंगलादेश ‘ए’ टिमसँग खेल्नेछ । तेस्रो खेलमा मेनवर्न स्टारको एकेडेमी टिमसँग १८ अगस्ट (२ भदौ) मा बिहान हुनेछ।

चौथो खेलमा होर्बट हरिकेन्सको एकेडेमी टोलीसँग १९ अगस्ट (भदौ ३) खेल्नेछ । पाँचौ खेल २० अगस्ट (भदौ ४) मा मेलवर्न रेनेगट्सको एकेडेमी टोलीसँग खेल्नेछ । छैटौं खेलमा अगस्ट २२(भदौ ६) मा पाकिस्तान ‘ए’ टोलीसँग खेल्नेछ ।

नेपालले समूह चरणमा ६ खेल खेल्नेछ । लिग चरणको शीर्ष ४ मा रहने टोलीका बीचमा सेमिफाइनल हुनेछ । सेमिफाइनल र फाइनलका खेल २४ अगस्ट (भदौ ८) मा हुनेछ ।

पाकिस्तान ‘ए’ टोली

मोहम्मद इफ्रान खान (कप्तान), अब्दुल समाद, अहमद दानियाल, फैसल अक्रम, हैदर अलि, माज सदकत, मेहरान मुम्ताज, खाज्वा नाफाय, घाजी घोरी, मुबासिर खान, साद मक्सुद, मोहम्मद सलमान, शाहिद अजिज, उबैद साह र यासिर खान