एजेन्सी – भारतले घरेलु टोलो इङग्ल्याण्डविरुद्ध तेस्रो टेस्टको पहिलो इनिङमा बराबरी गरेको छ ।

तेस्रो टेस्टको पहिलो इनिङमा पाहुना टोली ३ सय ८७ रनमा अल आउट भएको हो । त्यसअघि इङ्ल्याण्डले पहिलो इनिङमा ३ सय ८७ रन बनाएको थियो।

भारतका लागि केएल राहुलले शतक बनाएका थिए । लड्स मैदानमा दोस्रो शतक बनाएका राहुलले १३ चौकाको सहयोगमा १ सय रन जोडेका थिए । ऋषभ पन्त ७४, रविन्द्र जडेजा ७२, करुण नायर ४०, नितिश कुमार रेड्डी ३० तथा वासिंटन सुन्दर २३ रन बनाएका थिए ।

घरेलु टोलीका क्रिस वोक्सले ३, जोफ्रा आर्चर र कप्तान बेन स्टोक्सले समान २ तथा शोयब बसिर र बायडेन कार्सले समान १ विकेट लिए ।

शनिवार नै दोस्रो इनिङको सुरुवात गरेको घरेलु टोलीले तेस्रो दिनको खेल सकिदा १ ओभरमा २ रन बनाएको छ ।

त्यसअघि टस जितेर पहिले ब्याटिङ गरेको घरेलु टोलीले पूर्व कप्तान जो रुटको शतक सहयोगमा ३ सय ८७ रन बनाएको थियो ।

रुट १० चौकाको सहयोगमा १ सय ४, बायडन कार्स ५६ तथा जेमी स्मिथ ५१ रनमा बनाएका थिए। कप्तान बेन स्टोक्स र ओली पोप समान ४४ तथा बेन डकेट २३ रनमा आउट भएका थिए।

भारतका जसप्रित बुमराहले २७ ओभरमा ७४ रन खर्चिएर ५ विकेट लिए । नितिश कुमार रेड्डी र मोहम्मद सिराजले समान २ तथा रविन्द्र जडेजाले १ विकेट लिएका थिए।

५ टेस्टको सिरिज १-१ को बराबरीमा छ । पहिलो टेस्टमा इङ्ग्ल्याण्ड र दोस्रोमा भारत विजयी भएको थियो।