एजेन्सी – स्पिनर ईमरान ताहिर र हरभजन सिंहले घातक बलिङ गरेपछि ईन्डियन प्रिमियर लिग (आईपीएल) को पहिलो खेलमा रोयल च्यालेन्जर्स बेंगलोरले चेन्नई सुपर किंग्सलाई ७१ रनको सामान्य लक्ष्य दिएको छ ।
बेंगलोर १७.१ ओभरमा अल आउट हुँदै ७० रनमा समेटियोे । बेंगलोरका लागि ओपनर पार्थिप पटेलले सर्वाधिक २९ रन बनाउन बाहेक अन्य कुनैपनि ब्याट्सम्यानले दोहोरो अंकमा रन छुन सकेनन् । अर्थात बेंगलोरका १० ब्याट्सम्यानले दोहोरो अंकमा रन छुन सकेनन् । पटेलले ३५ बलमा २ चौका प्रहार गरे ।
चेन्नईमा टस हारेर पहिला ब्याटिङ थालेको बेंगलोरले सुरुवात देखीनै खराव प्रर्दशन गर्यो । हरभजजन सिंहले चौथो ओभरको तेस्रो बलमा रविन्द्र जडेजाबाट क्याच गराउँदै कप्तान विराट कोहलीलाई ६ रनमा पेभिलिएन फर्काए । छैंटौ ओभरमा दोस्रो बलमा आफै क्याच लिदै हरवजले मोईन अलीलाई ९ रनमा आउट गरे ।
हरभजनलेनै आठौं ओभरको दोस्रो बलमा जडेजाबाट एवी डी विलियर्सलाई ९ रनमा आउट गरेपछि बेंगलोर सस्तैमा आउट हुने संकेत देखाएको थियो । आठौं ओभरको अन्तिम बलमा शिम्ररोन हिटमायर डक आउट भएपछि बेंगलोर ३९–४ को कमजोर अवस्थामा पुग्यो । बेंगलोरको विकेट पतन निरन्तर जारी रह्यो ।
कोलन डी ग्राण्डहोम ४, शिवम दुबे र नन्दीप सैनी समान २ रनमा आउट भए । युजवेन्द्र चाहल ४, उमेश यादव १ रनमा अउट भए । हरवजनले बेंगलोरको टप अडर धरासयी बनाउँदा ताहिर र जडेजाले मिडिल तथा तल्लो क्रम बेंगलोरको निराश बनाए ।
चेन्नईका लागि इमरान ताहिरले ४ ओभरमा १ मेडन सहित ९ रन खर्चेर ३ विकेट लिए । हरवजनले ४ ओभरमा २० रन खर्चेर ३ विकेट लिए । रविन्द्र जडेजाले २ र ड्वेन ब्राभोले १ विकेट हात पारे ।
