एजेन्सी – भारतीय टोलीका कप्तान विराट कोहलीले पूर्व कप्तान सचिन तेन्दुलकरको अर्को कीर्तिमान तोडेका छन् । इंग्ल्यान्ड र वेल्समा जारी विश्वकपमा आइतबार पाकिस्तानसँगको खेलमा ७७ रन प्रहार गर्दै कोहली सचिनको नाममा रहेको सर्वाधिक छिटो ११ हजार रन पुरा गर्ने रकेर्ड तोडेका छन् ।

• 

विराटले २ सय ३० खेल खेल्दा २ सय २२ इनिङमा यो रेकर्ड बनाएका हुन् । यस अघि सचिनले २ सय ७६ इनिङमा यो कीर्तिमान बनाएका थिए । विराटले सचिनले भन्दा ५४ खेल अगावै ११ हजार रन पुरा गर्दै यो रेकर्ड तोडेका हुन् । विराटलेनै केहि महिना अघि सचिनको नाममा रहेको सर्वाधिक छिटो १० हजार रन जोड्ने रेकर्ड तोडेका थिए ।

रन मेसिनको उप नाम पाएका कोहलीले हालसम्म वान डे क्रिकेटमा २ सय ३० खेलमा २ सय २२ इनिङ ब्याटिङ गर्दै ४१ शतक,५१ अर्ध शतक सहित कुल ११ हजार २० रन बनाई सकेका छन् । उत्कृष्ट प्रर्दशन १ सय ८३ रनको छ । उनले सन् २००८ मा श्रीलंकाविरुद्द खेल्दै ‘डेब्यू’ गरेका थिए ।

विश्व वान डे क्रिकेटमा ११ हजार रन पुरा गर्ने ९ औं ब्याट्सम्यान हुन् । भारतीय भने तेस्रो ब्याट्सम्यानमा पर्दछन् । भारतीय टोलीका पूर्व कप्तान सौरभ गांगुलीले पनि आफ्नो वान डे करियरमा कुल ११ हजार ३ सय ३६ रन बनाएका छन् । वान डे क्रिकेटमा सर्वाधिक रन बनाउने रेकर्ड सचिनको नाममा छ । सचिनले कुल ४ सय ६३ खेलमा ४९ शतक,९६ अर्ध शतक सहित कुल १८ हजार ४ सय २६ रन जोडेका छन् । उनको वेस्ट प्रर्दशन नट आउट २ सय रन छ ।