काठमाडौं(हाम्रो खेलकुद)– नेपाली राष्ट्रिय क्रिकेट टोलीका उपकप्तान ज्ञानेन्द्र मल्ल विराटनगरको कोशी मल्टिपल कलेजको ब्रान्ड एम्बासडर बनेका छन् । विराटनगरमा आयोजित कार्यक्रममा ज्ञानेन्द्र पाँच वर्षका लागि कोशी मल्टिपल कलेजको ब्रान्ड एम्बासडर रहने जानकारी दिइयो ।

नेपाली राष्ट्रिय क्रिकेट टोलीले अन्तर्राष्ट्रिय स्तरमा हात पारेको ठूला सफलता र ती सफलताको कदर गर्दै आफ्नो ब्रान्ड एम्बासडर रुपमा नियुक्त गर्ने निर्णय गरेको कोसी मल्टिपल कलेजका निर्देशक मनीष स्वर्णकारले बताए ।
ज्ञानेन्द्रको सहकार्यमा कलेजले विराटनगरमा क्रिकेट प्रशिक्षणसमेत सञ्चालन जनाएको छ ।
ज्ञानेन्द्रसँगको सम्झौताले कलेजले नेपाली क्रिकेट विकासमा सहयोग पु¥याउने अवसर मिलेको रुपमा लिइएको कलेजका निर्देशक स्वर्णकारलेब बताए ।