एजेन्सी – नेपालले मलेसियासँगको दुई टी ट्वान्टी अन्तर्राष्ट्रिय सिरिज अन्तर्गत पहिलो खेलमा ७ विकेटको सहज जित हात पारेको छ ।

दुई टी ट्वान्टी सिरिजमा १-० को अग्रता लिएको नेपालले दोस्रो तथा अन्तिम खेल आइतबार खेल खेल्ने छ । दोस्रो खेलमा विजयी भए नेपालले पहिलो पटक टी ट्वान्टी सिरिज क्लिन स्वीप गर्नेछ । शनिवार किनारारा ओभल क्रिकेट मैदानमा टस जितेर पहिला ब्याटिङ थालेको मलेसियाले निर्धारित २० ओभरमा ९ विकेट गुमाउँदै १ सय २८ रन बनाएको थियो । १ सय २९ रनको विजयी लक्ष्य नेपालले पारस खड्को उत्कृष्ट प्रर्दशनमा १८.३ ओभरमा ३ विकेट गुमाउँदै पुरा गर्यो ।

गत वर्षदेखी आईसीसीले आफ्ना सबै सदस्य राष्टलाई टी ट्वान्टी अन्तर्राष्ट्रिय (आइ)मान्यता दिएको छ । योसँगै आईसीसीबाट मान्यता सम्भव त अव सबै खेल टी ट्वान्टी (आई) मान्यता हुने छन् । यस अघि टी ट्वान्टी(आई) र टी ट्वान्टी (एस)को मान्यता हुर्दै आएको थियो । नेपालको सहज जित यी ३ कीर्तिमान बनाएको छ ।

३. नेपालको विकेट अन्तरले ठूलो जित

७ विकेटको अन्तरले टी ट्वान्टी आईमा नेपालको यो सर्वाधिक ठूलो अन्तरको जित हो । नेपालले टी ट्वान्टी आईमा ४ विकेट रहँदै आएको थियो । गत माघमा युएईसँगको दोस्रो टी ट्वान्टी खेलमा यूएईमाथि निकालेको ४ विकेटले जितनै विकेटका अन्तरले टी ट्वान्टी आईमा ठूलो अन्तरको जित रहँदै आएको थियो । रनको अन्तरले भने सन् २०१४ को टी ट्वान्टी विश्वकपमा हङकङविरुद्ध निकालेको ८० रन सर्वाधिक ठूलो अन्तर हो ।

२. ९ बल बाँकी रहँदा विजयी

नेपालले आजको खेलमा ९ बल अगाडीनै लक्ष्य पुरा गर्यो । नेपालले टी ट्वान्टी आईमा लक्ष्य पछ्याउने पुरा गरेको यो सर्वाधिक छिटो हो । यस अघि नेपालले गत माघमा यूएईसँगको दोस्रो टि ट्वान्टी खेलमा ३ बल बाँकी रहँदा जित हात पारेको थियो । त्यो नै नेपालले सर्वाधिक छिटो पुरा गरेको रहँदै आएको थियो ।

१. पारसको ८६ रन !

कप्तान पारस खड्काले मलेसियामाथि सहज जित पक्का गर्न ८६ को उत्कृष्ट अविजित इनिङ खेले । पारसको यो दोस्रो टी ट्वान्टी आई अर्धशतक र टी ट्वान्टी करिअरको उच्च प्रर्दशन समेत हो । नेपालबाट टी ट्वान्टी आईमा दोस्रो अर्ध शतक पुरा गर्ने पारस एक्लो ब्याट्सम्यान हुन् । टी ट्वान्टी आईमा नेपालबाट पारस बाहेक सन्दीप जोरा र सुवास खकुरेलले समान १ पटक अर्ध शतक पुरा गरेका छन् ।

यस अघि सन् २०१४ को टी ट्वान्टी विश्वकपमा सुबास खकुरेलले अफगानिस्तानविरुद्ध बनाएको ५६ रननै नेपालबाट टी ट्वान्टी आईमा एकै इनिङमा ब्याट्सम्यानले बनाएको व्यक्तिगत उच्च स्कोर रहँदै आएको थियो ।