भूपेन्द्र जिसी, काठमाडौं

क्रिकेटमा कुनै भर हुँदैन । अन्तिम बल र विकेट सम्म कुनै पनि बेला खेल जसको पक्षमा पनि जान सक्छ । कागजी रुपमा बलियो टोली भएर मात्रै पुग्दैन । मैदानमा जसले बलियो प्रर्दशन गर्न सक्छ उसैले खेल जित्ने हो । चाहे कमजोर मानिएको टिम नै किन नहोस् । बलियो टिमलाई हराउन कमजोर टिमले त्यो भन्दा अझ बलियो प्रर्दशन गर्न आवश्यक पर्दछ ।

एक साता अघि इंग्ल्यान्ड र वेल्समा सम्पन्न एक दिवसिय विश्वकप क्रिकेटमा देखिएको नजिता यसको राम्रो उदारण हो । न्युजिल्यान्ड विश्वकप क्रिकेटको फाइनलमा पुग्ला भनेर कमैले सोचेका थिए । त्यहि न्युजिल्यान्डले सबैलाई आश्चर्य पार्दै विश्वकपको फाइनलमा पुग्दै सनसनी मच्चायो । तर दुभाग्र्य भन्नुपर्छ चौका छक्का कम प्रहार गर्दा इंग्ल्यान्ड च्याम्पियन बन्यो ।

न्युजिल्यान्ड र इंग्यान्डबीचको फाइनल विश्व क्रिकेटमा हालसम्मकै सर्वाधिक रोमान्चक खेल बन्यो । फाइनल र सुपर ओभर दुबै बराबर भएपछि बाउन्ड्री काउन्टको आधारमा इंग्ल्यान्ड च्याम्पियन बन्यो । विश्वकपपछि इंग्ल्यान्डको जित भन्दा न्युजिल्यान्डको उत्कृष्ट प्रर्दशनको चर्चा र प्रशंसा बढि भयो । धेरै क्रिकेट विश्लेषकहरु न्युजिल्यान्ड र इंग्ल्यान्ड दुबैलाई संयुक्त रुपमा विजेता घोषणा गनुृपर्ने धारणा राखे । सुपर ओभरमा पुगेको खेल बाउन्ड्री संख्याका आधारमा विजेता घोषित हुने नियमको संसारभर आलोचना भइरहेको छ ।

हारका बाबजुदपनि सबैले न्युजिल्यान्डको प्रर्दशनलाई मुक्तकण्ठले प्रंशसा गरि रहेका छन् । शीर्षक्रमका ब्याट्सम्यानको खराब प्रर्दशनका बाबजुदपनि फाइनल यात्रा तय गर्न सफल रहयो । त्यसका एकमात्र कारण हुन् कप्तान केन विलियमसन । उनले उत्कृष्ट कप्तानीमा टोलीलाई अघि बढाई रहे । मैदानमा कप्तानले देखाउने व्यवहारले खेलाडीको प्रर्दशनमा ठूलो प्रभाव पार्ने गर्दछ भन्ने उनले प्रष्ट पारिदिए ।

विलियमसनको कप्तानी साँच्चै गर्व लायक र प्रशंसा योग्य रह्यो । शान्त स्वभावमा खराब प्रर्दशनमा पनि विलियमसनले मुस्कुराउँदैं खेलाडीलाई उत्कृष्ट प्रर्दशन उर्जा थपि रहन्थे । फिल्डर सजावट,खेलाडी र बलिङ परिवर्तन पनि त्यतिकै उत्कृष्ट रह्यो । विलियमसनले खेलाडीले खराब प्रर्दशन गर्दा,क्याच,फिल्डिङ र बलिङ खराब गर्दा पनि हाँस्दै राम्रो प्रर्दशनको लागि प्रेरणा दिने गर्दथे । विलियमसनले दक्षिण अफ्रिका र वेस्ट इन्डिज दुवैको खेलमा शतक प्रहार गर्दा पनि सामान्य सेलिब्रेसन गरे ।

विलियमसन र भारतीय क्रिकेट टोलीका विराट कोहलीको कप्तानीमा धेरै फरक देखिन्थ्यो । यी दुवै कप्तान हुन् । कोहलीलाई आधुनिक क्रिकेटमा नम्बर वान ब्याट्सम्यान समेत भन्ने गरिन्छ । कोहली खेलाडीले सानो सानो गल्तीमा पनि रिसाउने गर्दछन् । जसको असर खेलाडीको प्रर्दशनमा परेको देखिन्थ्यो । कोहली चाडैं आक्रोशित हुने गर्दछन् । कोहली दबाब र खराब प्रर्दशनमा आफुलाई कमै मात्रमा सम्हाल्ने गर्दछन् । सम्रगमा विश्वकपमा न्युजिल्यान्डको टोली खासै बलियो भने थिएन । त्यसैले लिग चरणमा पाकिस्तानलाई नेट रनरेटले पछि पार्दै न्युजिल्यान्ड अन्तिम चारमा रहँदै सेमिफाइनल खेलेको थियो ।

बलिङ मजबुत रहँदा ब्याटिङमा विलियमसन र रोस टेलर बाहेक अन्य कुनैपनि खेलाडी लयमा थिएनन् । तैपनि विलियमसनले आफ्नो पक्षमा नतिजा निकाली रहे । विलियमसनले ९ इनिङमा समान २ शतक र अर्ध शतक सहित कुल ५ सय ७८ रन जोड्न सफल भए ।

सेमिफाइनलमा न्युजिल्यान्डले भारतलाई स्तब्ध पार्ला भनेर सोच्न पनि कठिन पर्दथ्यो । किनभने विश्वकपमा सर्वाधिक बलियो र सन्तुलन टोली भारतलाई मानिएको थियो । समुह चरणमा पनि भारतले उत्कृष्ट प्रर्दशन गरेको थियो । धेरैले भारतलाई उपाधिको प्रमुख दाबेदार मानेका थिए । तर विलियमसनको कप्तानीको अगाडी भारतको केहि लागेन । भारत २ सय ४० रनको लक्ष्य पनि पक्ष्याउन नसक्दा सेमिफाइनलाटै बाहिरियो ।

यसबाट के प्रष्ट हुन्छ भने कुनै पनि टोलीका खेलाडी मात्रै उत्कृष्ट भएर मात्रै हुँदैन त्यसलाई नेतृत्व गर्ने क्षमता पनि उत्तिकै उत्कृष्ट हुनुपर्छ । कागजी रुपमा न्युजिल्यान्ड भन्दा भारत धेरै बलियो टोली हो । वान डे क्रिकेटमा विलियमसन न्युजिल्यान्डका लागि सर्वाधिक सफल कप्तान समेत मानिन्छन् । विलियमसनले ३९ वान डे खेलमा कप्तानी गर्दा १९ खेलमा जित दिलाएका छन् । विलियमसनपछि बे्रन्डम म्याकुलम र ड्यानियल भिटोरीले समान २८ खेलमा १३ खेल जिताएका छन् ।

इंग्ल्यान्ड यस विश्वकपकै सर्वाधिक बलियो ब्याटिङ भएको टोली हो । इंग्ल्यान्डलाई २ सय ४२ रनको लक्ष्य बराबरीमा रोक्न विलियमसनको कप्तानी तारिफ योग्य रह्यो । प्रर्दशन उत्कृष्ट कप्तानीले गर्दानै आईसीसीले विश्वकपमा विलियमसनलाई म्यान अफ द सिरिज घाषणा गर्यो ।

विलियमसन आधुनिक क्रिकेटका उत्कृष्ट ब्याट्सम्यान मध्यका एक हुन् । विश्वकपको नतिजाले भने विलियमसन आधुनिक क्रिकेटका सर्वोत्कृष्ट कप्तान रहेको प्रमाणित गर्दछ । न्युजिल्यान्डले उपाधि जित्न सकेन तर उपाधि जितेको इंग्ल्यान्डले भन्दाबढि मन जित्न भने सफल भयो । जसको श्रेय विलियमसन र उनको कप्तानीलाई दिनुपर्छ ।