6 years ago
August 12, 2019
एजेन्सी – अन्तर्राष्ट्रिय क्रिकेट परिषद (आईसीसी) ले सन् २०२३ मा भारतमा हुने एकदिवसिय विश्वकपको लागि रोडम्याप सार्वजनिक गरेको छ ।
आईसीसीको पहिलो रोडम्याप अनुसार सुपर लिगमा १२ टेष्ट राष्ट्र र नेदरल्यान्ड्स गरि कुल १३ देशबीच प्रतिस्पर्धा हुने छ । सन् २०२० मे देखी २ वर्ष सम्म चल्ने द्विपक्षीय सिरिजमा कुल १ सय ५६ ओडीआई खेल हुने छ । प्रत्येक टोलीले २४ ओडीआई खेल खेल्ने छन् ।
सन् २०२२ सम्म भारत बाहेक शीर्ष ७ मा रहने सुपर लिगका टोली सोझै विश्वकपमा पुग्ने छन् । अन्य पाँच टोलीले २०२२ मा हुने विश्वकप छनोट खेल्नु पर्ने हुन्छ । भारत घरेलु टोली भएको हुँदा स्वतः छनोट हुने छ । नेदरल्यान्ड्सले सन् २०१५– १७ को च्याम्पियनसिप लिग विजेता हुँदा सोझै सुपर लिग खेल्न पाएको आईसीसीले जनाएको छ ।
आईसीसी विश्वकप लिग–२ अन्तर्गत ७ एसोसिएट सदस्य राष्ट्रबीच प्रतिस्पर्धा हुने छ । आईसीसीको वान डे वरीयतामा १४–२० सम्म रहेका नेपाल,ओमान,नामिविया,पप्पुवा न्युगिनी, स्कटल्यान्ड, यूएई र अमेरिकाबीच लिग अन्तर्गत २१ त्रिकोणात्मक सिरिज हुने छ । साढे दुई वर्ष सम्म चल्ने प्रतियोगितामा कुल १ सय २७ वान डे खेल हुनेछ ।
प्रत्यक राष्ट्रले होम र अवे गरिकुल ३६ ओडीआई खेल्ने छन् । जसमध्यका शीर्ष तीन टोली सन् २०२२ मा हुने आईसीसी विश्वकप क्वालिफायरको लागि छनोट हुने छन् । पुछारका चार टोलीले विश्वकप छनोट प्ले अफ खेल्ने छन् । जुन सन् २०२२ मै हुने छ । जुन १४ अगष्ट देखी २१ सम्म ओमान, स्कटल्यान्ड र पप्पुवा न्युगिनिबीच त्रिकोणात्मक सिरिज हुँदै यसको सुरुवात हुँदै छ । नेपालले पहिलो विश्वकप लिग २ अन्तर्गत आगमी माघमा घरेलु मैदान टियुमा ओमान र अमेरिकासँग त्रिकोणात्मक सिरिज खेल्दै सुरुवात गर्ने छ ।
त्यस्तै अन्य १२ एसोसियट अर्थात वान डे मान्यता नपाएका देशलाई पनि विश्वकप खेल्ने मौका छ । ती देशबीच च्यालेन्जेज लिग खेल्ने छन् । जुन लिष्ट ए को मान्यता रहने छ । समुह ए मा क्यानडा, डेनमार्क, मलेसिया, कतार, सिंगापुर र भानुआटु रहेका छन् । त्यस्तै समुह बी मा बर्मुडा, हङकङ, इटाली, जर्सी, केन्या र युगान्डा छन् । कुल ९० लिष्ट ए खेल हुने छ । एक टोलीले १५ खेल खेल्ने छन् ।
आगमी सेप्टेम्बर देखी सुरु हुने यस च्यालेन्जेज लिग साढे दुई वर्ष सम्म चल्ने छ । जसमा समुह ए र बी का विजेता टोली २०२२ मा हुने विश्वकप छनोट प्ले अफमा स्थान बनाउने छन् । जसमा आईसीसी विश्वकप लिग २ मा पुछारमा रहेका ४ टोलीसँग प्रतिस्पर्धा गनुपर्ने हुन्छ । त्यस्तै समुह ए र बी मा दोस्रो स्थानमा रहेका एक एक टोलीले च्यालेन्ज प्ले अफ खेल्न पाउने छन् । सुपर लिगबाट शीर्ष ७ टोली, घरेलु टोली भारत स्वत छनोट हुँदा विश्वकप छनोटबाट २ टोली गरि कुल १० देशले सन् २०२३ मा एक दिवसिय विश्वकप खेल्ने छन् ।
नेपालले खेल्ने विश्वकप लिग-२ को खेल तालिका:
December 15, 2025
काठमाडौं (हाम्रो खेलकुद) – नेपाली युवा क्रिकेट टोलीले आज १२ औं एएफसी यु-१९ एसिया कपमा साविक विजेता बंगलादेशको सामना गर्दैछ। खेल नेपाली समयअनुसार बिहान १०:४५ बजे सुरु हुनेछ। एएफसी यु १९ प्रिमियर कपको उपविजेता बन्दै नेपाल एसिया कपका लागि छनोट भएको थियो। जारी एसिया कपको पहिलो खेलमा नेपाली टोली ८ विकेटले पराजित भएको थियो। नेपालले २८.५ […]
December 13, 2025
काठमाडौं (हाम्रो खेलकुद)- लुम्बिनी लायन्स पहिलो पटक नेपाल प्रिमियर लिग (एनपिएल) च्याम्पियन बनेको छ। एनपिएल सिजन २ को फाइनलअघि एक मात्र खेल हारेर सुदूरपश्चिमलाई लुम्बिनीले यसपटकको फाइनलमा निरिह बनायो। सुदूरपश्चिमलाई ६ विकेटले माथ दिंदै लुम्बिनी दोस्रो संस्करणको च्याम्पियन बनेको हो। फाइनलमा आज लुम्बिनीको बलिङ नै जितको प्रमुख आधार बन्यो। कप्तान रोहित पौडेलले ह्याट्रिक सहित लिंदा […]
December 13, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) को फाइनलमा सुदूरपश्चिम रोयल्सले लुम्बिनी लायन्सलाई ८६ रनको अत्यन्त सहज चुनौती दिएको छ। यो सिजन पहिले ब्याटिङ गरेर बनेको यो सबैभन्दा कम योगफल हो। यसअघि काठमाडौं गोर्खाजले लुम्बिनीविरुद्ध १ सय ११ रन बनाएको थियो। सुदूरपश्चिम फाइनलमा ब्याटिङमा निरुह बन्यो। लुम्बिनीका कप्तान रोहित पौडेलले ह्याट्रिक विकेट लिंदा शेर […]
