काठमाडौं (हाम्रो खेलकुद) – आईसीसी विश्वकप लिग-२ त्रिकोणात्मक सिरिजमा नेपालले शनिबार अमेरिकालाई ३५ रनले पराजित गर्यो । जुन नेपालको घरेलु मैदानमा पहिलो ओडीआई जित थियो ।

जितको कारण अमेरिकासँग खेलको क्रममा देखिएका केहि कमजोरीको आलोचना भएन । अमेरिकाविरुद्ध केहि यस्ता कमजोरी भए जसको कारण नेपाल झण्डै हार नजिक पुगेको थियो । शनिवार झण्डैं हजारौ दर्शक निराश बन्नु परेको थियो । अमेरिकासँग जितमा लुकेका तीन कमजोरी यस प्रकार छन् ।

खराब ओपनिङ

पहिलो खेलमा ओमानविरुद्ध पारस खड्का र ज्ञानेन्द्र मल्लले ओपनिङ गरेका थिए । पारस ३ र ज्ञानेन्द्र १ रनमा आउट हुन पुगेका थिए । अर्थात उक्त खेलमा नेपालले चार रन जोड्दै दुबै ओपनर गुमाएको थियो । नेपालले ओपनिङ जोडीमा सुवास खकुरेल र ज्ञानेन्द्र मल्ललाई मैदान उतारेको थियो ।

लामो समय पछि टोलीमा पुनरागमन गरेका सुवास चौथो ओभरको तेस्रो बलमा ३ रनमा क्याच आउट हुन पुगे । त्यस्तै अर्का ओपनर ज्ञानेन्द्र मल्ल १९ रनमा आउट भए । जितको कारण सुवास र ज्ञानेन्द्रको प्रर्दशनको खासै चर्चा भएन ।

तल्लोक्रमको साझेदारी

एक सयम अमेरिका २१.१ ओभरमा ६५-७ को कमजोर अवस्थामा पुगेको थियो । इयान होल्यान्ड र क्यामरन स्टिभेन्सनले आठौं विकेटका लागि ४९ रनको साझेदारी गर्दै अमेरिकालाई खेलमा फर्काउन खाजेका थिए । जुन साझेदारी केहि थोरै लम्बेको भए नेपालले नाटकीय हार बेहोर्न सक्थ्यो । तर सुशनले क्यामरनलाई १९ रनमा विनोदबाट क्याच गराउदै नेपाललाई खेलमा फर्काएका थिए । ओमानसँगको खेलमा हारको कारणनै तल्लोक्रमको साझेदारी बनेको थियो ।

ओमान १९ ओभरमा ५७-५ को कमजोर अवस्थामा रहेको थियो । तर छैटौं विकेटका लागि सन्दीप गौड र मोहम्मद नदीमले ६० रनको साझेदारीले खेललाई टनिङ गर्दै आफ्नो पक्ष्यमा लगेका थिए । नदीमले नेपालविरुद्ध ६९ रनको इनिङ खेलेका थिए । जुन जितको आधार बनेको थियो । आज होल्यान्डले ७५ रनको इनिङ खेले । जसले झण्डै नाटकीय हारमा पुर्याएको थियो । तल्लोक्रमको साझेदारी तोड्न नसक्नु नेपालको सुरुवाती दुई खेलमा समस्याको रुपमा देखिएको छ ।

शीर्ष र मध्यक्रमका ब्याट्सम्यानको खराब ब्याटिङ

ब्याटिङ बलियो बनाउन नेपालले ७ ब्याट्सम्यान मैदान उतार्दै आएको थियो । ब्याटिङकै कारण नेपाल प्रमुख चार बलरको भरमा मैदान उत्रने गर्दछ । अमेरिकाविरुद्ध पनि शीर्षक्रमका ब्याट्सम्यानले जिम्मेवारी इनिङ खेल्न सकेनन् । सुवास खकुरेल ३, ज्ञानेन्द्र मल्ल, २१ र उप कप्तान दीपेन्द्रसिंह ऐरी खराब शट खेल्दै शून्यमा पेभिलिएन फर्के । दीपेन्द्र, ज्ञानेन्द्र र सुवास आउट भएसँगै सबैले आशा पारसमाथि राखेका थिए । तर १८ ओभरको अन्तिम बलमा पारस विकेटकिपर अक्षय होमराजबाट १९ रनमा क्याच हुन पुगे ।

२१ औं ओभरको पाँचौ बलमा आरिफ शेख ठूलो सट खेल्नेक्रममा वैकल्पिक फिल्डर नास्तुष केन्ज़ीगेले उत्कृष्ट एक हातले क्याच लिएपछि दुई रनमा पेभिलिएन फर्किनु परेको थियो । यसमा आरिफको दोष देखिदैन । खराब शीर्षक्रम र मध्यक्रमको ब्याट्सम्यानको कारण नेपाल १८ ओभरमा ४९-५ को कमजोर अवस्थामा पुगेको थियो । तर कुशल मल्ल र विनोद भण्डारीको अर्ध शतकीय इनिङले प्रतिस्पर्धात्मक योगफलमा पुग्दै बलरको उत्कृष्ट प्रर्दशनमा नेपालको जित पक्का बन्यो ।

कुशल र विनोदले उक्त इनिङ खेल्न नसकेको भए नेपालको हारको कारण शीर्ष र मध्यक्रमका ब्याट्सम्यानको खराब प्रर्दशन हुने थियो । शनिवार जितको कारण लुकेपनि जुन समस्या आगमी खेलमा घातक बन्न सक्छ ।