default_image

4 years ago

February 19, 2020

‘इस्टर्न रिजनमा नेपालको लक्ष्य उपाधि’ — कप्तान ज्ञानेन्द्र

काठमाडौं (हाम्रो खेलकुद) – नेपाली राष्ट्रिय क्रिकेट टोलीका कप्तान ज्ञानेन्द्र मल्लले थाईल्यान्डमा हुने एसीसी इस्टर्न रिजन टि ट्वान्टी क्रिकेट प्रतियोगितामा नेपालको लक्ष्य उपाधि जित्ने रहेको बताएका छन् । बुधबार अभ्यासको क्रममा टीयू क्रिकेट मैदानमा रहेका ज्ञानेन्द्रले हाम्रो खेलकुदसँगको कुराकानीको क्रममा यस्तो बताएका हुन् । इस्टर्न रिजन फागुन १७ देखि २३ गते सम्म थाईल्यान्डमा हुँदैछ । […]

32 views

0 Bookmark

काठमाडौं (हाम्रो खेलकुद) – नेपाली राष्ट्रिय क्रिकेट टोलीका कप्तान ज्ञानेन्द्र मल्लले थाईल्यान्डमा हुने एसीसी इस्टर्न रिजन टि ट्वान्टी क्रिकेट प्रतियोगितामा नेपालको लक्ष्य उपाधि जित्ने रहेको बताएका छन् ।

बुधबार अभ्यासको क्रममा टीयू क्रिकेट मैदानमा रहेका ज्ञानेन्द्रले हाम्रो खेलकुदसँगको कुराकानीको क्रममा यस्तो बताएका हुन् । इस्टर्न रिजन फागुन १७ देखि २३ गते सम्म थाईल्यान्डमा हुँदैछ । प्रतियोगितामा नेपालसहित हङकङ, थाईल्यान्ड, सिंगापुर र मलेसिया छन् । राउन्ड रोबिन लिगको आधारमा हुने प्रतियोगिताको शीर्ष दुई टोलीले अगष्टमा मलेसियामा हुने एसिया कप क्वालिफायर खेल्न पाउने छन् । नेपालले इस्टर्न रिजनको लागि शुक्रबार अन्तिम १४ सदस्य टोली घोषणा गरेको थियो ।

‘इस्टर्न रिजनको लागि तयारी सुरु गरेको दुई तीन दिन भयो । यस अघि निरन्तर क्रिकेटमै थियौं । ओमान र अमेरिकासँग ओडीआई खेलेर सकिएको छ । टि ट्वान्टी मोडमा आउने प्रयासमा छौं,’ त्यसैमा ज्ञानेन्द्रले थपे, ‘टि ट्वान्टी शैलीमा जो सुकै टोलीले एकले अर्कालाई हराउन सक्छन् । यो त्यो टिम बलियोे भन्दा पनि खेलको दिन जसले उत्कृष्ट क्रिकेट खेल्छ उसैले जित्ने हो ।’

‘हामीले हरेक खेललाई एक-एक गरेर लिएर जानुपर्छ । हाम्रो लक्ष्य ट्रफी उचालेर छनोट हुने हो । हामीले हाम्रो क्षमता अनुसारको प्रर्दशन गर्नुपर्छ । सबै खेलाडीले उत्कृष्ट प्रर्दशन गर्नुपर्छ’, ज्ञानेन्द्रले भने ।

त्यस्तै ज्ञानेन्द्रले पहिलो पटक टोलीमा स्थान बनाएका तीब्र गतिका बलर किशोर महतो खेल जिताउन सक्ने खेलाडी बताउछन् । ‘किशोरलाई हामीले धेरै पहिला देखिनै नियालिरहेका थियौं । टोलीमा डेब्यू मात्रै गर्ने नभएर किशोरमा साँच्चीकै टिमलाई नै जिताउन सक्ने क्षमता छ । सोमपाल नहुँदा किशोरलाई मौका दिएका हौं । जसले बेन्च पनि बलियो बन्दै जान्छ’, उनले भने ।

टोलीमा पवन सरार्फले पुनरागमन गरेका छन् । पवनको टोलीमा कुन भुमिका हो अन्यौल देखिन्छ । यस विषयमा लिएर गरेको प्रश्नमा ज्ञानेन्द्रले भने, ‘पवन युजफुल क्रिकेटर हो । उसलाई जुनसुकै स्लटमा पनि प्रयोग गर्न सकिन्छ । कुनै बेला हामीले उस्लाई ओपनिङ पनि गरायौं, दोस्रो र तेस्रो नम्बरमा ब्याटिङ गराएका छौं । विशेष त पवनलाई हामीले अलराउन्डरको रुपमा लिएका छौं । हामीले हाम्रो क्षमता अनुसार क्रिकेट खेल्ने हो भने इस्टर्न रिजनमा सबै टोलीलाई सजिलै जित्छौं’, ज्ञानेन्द्रले भने ।

March 29, 2024

नेपाल ‘ए’ र आयरल्यान्ड वल्भ्स खेल्दै

काठमाडौं (हाम्रो खेलकुद) – नेपाल ‘ए’ र आयरल्यान्ड वल्भ्सले टि२० सिरिजको पहिलो खेलमा शुक्रबार खेल्दैछन् । खेल नेपाली समय अनुसार दिउँसो १ बजे टियु अन्तर्राष्ट्रिय क्रिकेट मैदानमा हुनेछ । लगातार वर्षाका कारण मैदान भिजेपछि विहीबार हुने भनिएको पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने जानकारी दिएको […]

March 29, 2024

इण्डो–नेपाल टि ट्वान्टीको सेमिफाइनल समीकरण पूरा

चितवन (हाम्रो खेलकुद)- चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेट प्रतियोगिताको सेमिफाइनल समीकरण पूरा भएको छ । गौतमबुद्ध अन्तर्राष्ट्रिय क्रिकेट रंगशालाको नमुना मैदानमा बिहीबार भएका लिग चरणका अन्तिम खेलमा विजयी हुँदै मधेश प्रदेश र सुदूरपश्चिम प्रदेशले सेमिफाइनलमा स्थान पक्का गरेका हुन् । सबै खेलमा जित निकाल्दै ८ अंकका साथ पिएसआरए ग्रुप लखनउ समूह विजेता […]

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

Success

Thank you for your time.