काठमाडौं (हाम्रो खेलकुद) — स्कटल्यान्डका बायाँ हाते ओपनर जर्ज मुन्शेले आगमी संस्करणको एभरेष्ट प्रिमियर लिग (इपिएल) पोखरा राइनोजबाट खेल्ने भएका छन् । राइनोजले विहीबार जर्ज मुन्शे पोखराबाट खेल्ने जनाएको छ ।

पोखराले यस अघिनै वेस्ट इन्डिजका स्टार ओपनर क्रिस गेल र अलराउन्डर केस्रिक विलियम्सलाई टोलीमा अनुबन्ध गरि सकेको छ । आक्रामक ब्याट्सम्यानका लागि परिचित मुन्शेले २५ ओडीआई, ३८ टि ट्वान्टी आई, ४ प्रथम श्रेणी र ४० लिष्ट ए खेलेका छन् । मुन्शेले टि ट्वान्टीमा १ शतक र ५ अर्ध शतक सहित कुल ९ सय ८७ रन बनाएका छन् । उत्कृष्ट प्रर्दशन १ सय २७ रन अविजित छ ।

मुन्शेले नेदरल्यान्डविरुद्ध ५६ बलमा ५ चौका र १४ छक्काको सहयोगमा १ सय २७ रनको अविजित इनिङ खेलेका थिए । त्यस्तै ओडीआईमा उनले ५ सय ६२ रन बनाएका छन् । उनले गत वर्ष मात्र ग्लोस्टरसाइरका लागि एक टि२० खेलमा २५ बलमा शतक प्रहार गर्दै सनसनी मच्चाएका थिए ।

पोखराले यस अघिनै वेस्ट इन्डिजका विश्फोटक ब्याट्सम्यान क्रिस गेलसँगै तीब्र गतिका बलिङ अलराउन्डर केसरिक विलियम्सलाई टोलीमा अनुबन्ध गरि सकेको छ । पोखरा विकेटकिपर विनोद भण्डारी, सुनिल धमला, रित गौतम, किशोर महतो, बिक्रम शोब, बिपिन खत्री, लोकेश बम, पृथु बास्कोटा लगाएतका खेलाडी छन् । आगमी संस्करणको इपिएल चैत्र १ देखि १५ सम्म हुने छ ।