एजेन्सी – इन्डियन प्रिमियर लिग (आइपिएल) २०२१ को २६ औं खेलमा रोयल च्यालेन्जर्स बेंगलोरले पन्जाब किंग्सविरुद्ध पहिला फिल्डिङ गर्ने भएको छ । नरेन्द्र मोदी स्टेडियम अहमदाबादमा बेंगलोरका कप्तान विराट कोहलीले टस जितेर पहिला फिल्डिङ गर्ने निर्णय लिएका छन् ।

पन्जाबले टोलीमा तीन परिवर्तन गरेको छ । ओपनर मयंक अग्रवाल, अर्शदीप सिंह र हेनरिक्स मोइजेस आजको खेलमा बेन्चमा राखेको छ । राइली मेरिडीथ, हरप्रित बार र प्रभस्म्रन सिंहलाई टोलीमा समेटेको छ । बेंगलोरले टोलीमा एक परिवर्तन गर्दै वासिन्टन सुन्दरको स्थानमा शहवाज अहमदलाई मौका दिएको छ ।

पन्जाब किंग्स प्लेइङ ११ : लोकेश राहुल(कप्तान), क्रिस गेल, दीपक हुडा, निकोलस पुरन, प्रभस्म्रन सिंह, शाहरुख खान, क्रिस जोर्डन, राइली मेरिडीथ, रवी विश्रोई, मोहम्मद शामी र हरप्रित बार ।

 Mayankविराट कोहली, (कप्तान), देवदत्त पाडिक्कल, राजत पातिदार, ग्लेन म्याक्सवेल, एवी डिभिलियर्स, शहबाज अहमद, ड्यानियल साम्स, काइल जामिसन, हर्षल पटेल, मोहम्मद शिराज र युजभेन्द्र चहल ।

हेड टु हेड ः

बेंगलोर र पन्जाबबीच आइपिएलमा कुल २६ खेल भएको छ । पन्जाब १४ खेलमा विजयी हुँदा १२ खेलमा पराजित भएको छ ।

अंक तालिका

चेन्नई सुपर किंग्स ६ खेलमा ५ जित र १ मा हार सहित १० अंक सहित शीर्षस्थानमा छ । दिल्ली क्यापिटल्स ७ खेलमा ५ मा जित र २ मा हार सहित १० अंकका साथ दोस्रो स्थानमा छ । रोयल च्यालेन्जर्स बेंगलोर ६ खेलमा ५ मा जित र १ मा हार सहित १० अंक भएपनि नेट रनरेटको आधारमा तेस्रो स्थानमा छ । मुम्बई इन्डियन्स ६ खेलमा ३ मा हार र ३ मा जित सहित ६ अंक बटुल्दै चौथो स्थानमा छ ।

कोलकाता ७ खेलमा ५ मा हार र २ जित सहित ४ अंकका साथ पाँचौ स्थानमा छ । पन्जाब ६ खेलमा ४ मा हार र २ मा जित सहित ४ अंक जोड्दै छैटौं स्थानमा छ । राजस्थान रोयल्स ६ खेलमा ४ मा हार र २ मा जित सहित ४ अंकका साथ सातौं स्थानमा छ । सनराइजर्स हैदराबाद ६ खेलमा ५ मा हार र १ मा जित सहित २ अंक जोड्दै पुछारमा छ ।