एजेन्सी – इन्डियन प्रिमियर लिग (आइपिएल) २०२१ मा दिल्ली क्यापिटल्सले पन्जाब किंग्सविरुद्ध पहिला बलिङ गर्ने भएको छ । नरेन्द्र मोदी स्टेडियम अहमदाबादमा दिल्लीका कप्तान ऋषभ पन्तले टस जितेर पहिला फिल्डिङ गर्ने निर्णय लिएका हुन् । पन्जाबको कप्तानी मयंक अग्रवालले गर्ने भएका छन् ।

पन्जाबमा दुई परिवर्तन गरेको छ । लोकेश राहुलको स्थानमा मयंक अग्रवाल टोलीमा आएका छन् । इंग्ल्यान्डका शीर्षक्रमका ब्याट्सम्यान डेविड मलानले पन्जाबबाट आइपिएलमा डेब्यू गरेका छन् । देब्रे हाते ब्याट्सम्यान मलान विश्व टि२० वरियताका शीर्षकमका खेलाडी हुन् । मलानले निकोलस पुरनको स्थानमा लिएका छन् ।

पुरनले ६ खेल मध्य ४ मा खाता खोल्न सकेका छैनन् । बाँकी दुई खेलमा १९ र ९ रन मात्र बनाएका छन् । राहुल नहुँदा पन्जाबले ब्याटिङ बलियो बनाउन मलानलाई मौका दिएको हो । दिल्लीले टोलीमा कुनै परिवर्तन गरेको छैन । पन्जाब किंग्सका कप्तान लोकेश राहुल अस्पताल भर्ना भएका छन् । शनिवार राती पेटमा अत्याधिक दुखाईको कारण औषधी प्रयोग गरेपनि ठिक नभएपछि उपचारको राहुललाई अस्पताल लगिएको थियो । जसको कारण कप्तान परिवर्तन गरेको हो ।

दिल्ली ७ खेलमा ५ मा जित र २ मा हार सहित १० अंकका साथ दोस्रो स्थानमा छ । दिल्ली आजको खेलमा विजयी भए १२ अंकका साथ शीर्षस्थानमा उक्लिने छ । शीर्षस्थानमा रहेको चेन्नई सुपर किंग्सको ७ खेलमा १० अंक छ । पन्जाब ७ खेलमा ३ मा जित र ४ मा हार सहित ६ अंक जोड्दै पाँचौं स्थानमा छ । पन्जाब आजको खेलमा विजयी भए चौथो स्थानमा उक्लिने समीकरण छ ।

पन्जाब किंग्स प्लेइङ ११ : मयंक अग्रवाल (कप्तान), क्रिस गेल, दीपक हुडा, डेविड मलान, प्रभस्म्रन सिंह, शाहरुख खान, क्रिस जोर्डन, राइली मेरिडीथ, रवी विश्रोई, मोहम्मद शामी र हरप्रित बार ।

दिल्लीको प्लेइङ ११ : पृथ्वी शा, शिखर धवन, स्टिभ स्मिथ, ऋषभ पन्त (कप्तान), मार्कस स्टोइनिस, शिम्रन हेटमायर, अक्षर पटेल, ललित यादव, कागिसो रबाडा, ईशान्त शर्मा र आवेश खान