काठमाडौं (हाम्रो खेलकुद)– नेपालले १३ औं दक्षिण एसियाली खेलकुद (साग) आयोजनाको मिति तोक्नका लागि दक्षिण एसियाली ओलम्पिक काउन्सिल (एसएओसी) को बैठक अहिले नेपाल ओलम्पिक कमिटी (एनओसी)मा जारी छ ।
बैठकमा भारत र माल्दिभ्सबाहेक प्रतिनिधिको उपस्थिति रहेको छ । बैठकको उद्घाटन युवा तथा खेलकुद मन्त्री दलजित श्रीपालीले गरेका थिए । नेपालले आयोजनाको जिम्मेवारी पाएको झन्डै १० महिनापछि (एसएओसी) को पहिलो बैठक राजधानीमा हुने भएको छ । भारतमा फागुनको पहिलो साता सम्पन्न १२ औं सागको समापनमा नेपालले अर्को संस्करण आयोजनाका लागि झन्डा ग्रहण गरेको थियो । नेपालले सन् २०१८ मा १३ औं साग आयोजना गर्न सहमति जनाएपनि भौतिक पूर्वाधार निर्माणको काम सुरु भएको छैन । बैठकमा नेपालसहित भुटान, श्रीलंका, पाकिस्तान र बंगलादेशका पदाधिकारीको सहभागिता रहेको छ ।
