2 years ago
September 7, 2022
काठमाडौं (हाम्रो खेलकुद) – नेपाल भलिबल संघको बुधबार जारी नवौं चुनावी साधारण सभामा १ सय ३१ मतदातामध्ये ३ जनाबाहेक सबैले मतदान गरेका छन् । १० पदाधिकारी निर्विरोध निर्वाचित भएपछि सुरु भएको मतदानमा १ सय २८ जनाले मतदान गरेका छन् । मत गणना केहि समयमा सुरु हुने बताइएको छ । संघका पूर्व अध्यक्ष दानबहादुर तामाङ, निर्वतमान […]
काठमाडौं (हाम्रो खेलकुद) – नेपाल भलिबल संघको बुधबार जारी नवौं चुनावी साधारण सभामा १ सय ३१ मतदातामध्ये ३ जनाबाहेक सबैले मतदान गरेका छन् । १० पदाधिकारी निर्विरोध निर्वाचित भएपछि सुरु भएको मतदानमा १ सय २८ जनाले मतदान गरेका छन् । मत गणना केहि समयमा सुरु हुने बताइएको छ ।
संघका पूर्व अध्यक्ष दानबहादुर तामाङ, निर्वतमान उपाध्यक्षद्वय एनबहादुर शाही र कुमारराज सुवेदीले भने मतदान गरेनन् । दक्षिण अफ्रिकाका राजदुत समेत रहेका तामाङ केहि दिन अघि त्यसतर्फ गएका थिए । संघको अध्यक्ष र महासचिवसँगै उपाध्यक्ष (बागमती), कोषाध्यक्ष र सचिव (लुम्बिनी र प्रदेश १) मा २–२ जनाबीच प्रतिस्पर्धा छ । ११ सदस्य पदका लागि २२ जनाले प्रतिस्पर्धा गरेका छन् । ५ उपाध्यक्ष र ५ सचिव भने निर्विरोध निर्वाचित भएका छन् ।
अध्यक्ष पदका लागि निर्वतमान उपाध्यक्ष निरोज मास्के र महासचिव जितेन्द्र बहादुर चन्दबीच प्रतिस्पर्धा भएको छ । महासचिव पदका लागि रोशन कुमार श्रेष्ठ र मनवीर छन्त्याल तथा कोषाध्यक्षमा श्याम कृष्ण श्रेष्ठ र रिता कोइरालाबीच प्रतिस्पर्धा भएको छ । उपाध्यक्षमा बागमती र कर्णाली बाहेक प्रदेश बाहेक अन्य ५ प्रदेशबाट निर्विरोध निर्वाचित भएका छन् ।
याम बहादुर गुरुङ (गण्डकी), उपेन्द्र कुमार यादव (मधेश प्रदेश), हर्क सिंह धामी (सुदूरपश्चिम), मदन खड्का (प्रदेश १) र भिम ओली (लुम्बिनी) बाट उपाध्यक्ष पदमा निर्विरोध निर्वाचित भए । बागमती प्रदेशबाट उपाध्यक्षमा गौतम प्रसाद लासिवा र ज्योति केसीबीच प्रतिस्पर्धा भएको छ । उपाध्यक्षमा निर्विरोध भएको भनिएका भरतबहादुर शाह कर्णालीको नभएका कारण उम्मेदवारी अन्तिम समयमा बदर भएको छ । उपाध्यक्ष (कर्णाली) पद अहिलेलाई रिक्त रहने बताइएको छ ।
सचिवमा सोम बहादुर श्रेष्ठ (मंगल) (कर्णाली), महम्मद फिरोज (मधेश), श्रीधर शर्मा (गण्डकी), गणेश सिंह ठगुन्ना (सुदूर) र सुनकेशरी माली (बागमती) प्रदेशबाट निर्विरोध निर्वाचित भएका छन् । झक बहादुर मिदुन र दीपक जिएमबीच लुम्बिनी प्रदेश तथा विनोद सुवेदी र विश्वराज धिमालबीच प्रदेश १ को तर्फबाट सचिव पदलाई प्रतिस्पर्धामा छन् । बागमतीका श्रीराम बोगटीले उम्मेदवारी फिर्ता लिएपछि माली निर्विरोध चुनिइन् ।
११ सदस्यको लागि सदस्यमा २२ जनाको उम्मेदवारी परेको छ । उम्मेदवारी दिनेमा राज बहादुर खड्का, कुमार राई, दीपक लामा, राज कुमार गुरुङ, अन्जु श्रेष्ठ, ईश्वर बहादुर शाही, बाँच बहादुर रावत, छल कुमारी छन्त्याल, जुनु पुन मगर छन् ।
त्यस्तै दिनेश श्रेष्ठ, गंगा थापा श्रेष्ठ, जितेन्द्र श्रेष्ठ, रामा शंकर चौधरी, चन्द्र वदना राई, अशोक काजी थापा, सुदर्शन जमरकट्टेल, राम बहादुर खड्का, जय कुमार श्रेष्ठ, थर्क कुमार चोमवाङ, योगेन्द्र सुवेदी, श्याम कुमार आचार्य र प्रणिण श्रेष्ठले पनि सदस्यमा प्रतिस्पर्धा गरेका छन् । चुँडा कुमारी खड्का र राजेश कार्कीले सदस्य पदबाट उम्मेदवारी फिर्ता लिए ।
संघको विधान अनुसार निवर्तमान अध्यक्ष नयाँ कार्यसमितिमा पदेन सदस्य रहने व्यवस्था छ । त्यस्तै २ उपाध्यक्ष कार्यसमितिले मनोनित गर्नेछ । ४१ सदस्यीय कार्यसमितिमा १ अध्यक्ष, ७ उपाध्यक्ष, महासचिव, कोषाध्यक्ष, ७ सचिव र ११ सदस्य गरी २८ जना निर्वाचित हुनेछन् । बाँकी १३ मध्ये १२ जनालाई निर्वाचित कार्यसमितिले मनोनित गर्नेछ ।
१ जना पूर्व अध्यक्ष पदेन सदस्यका रुपमा रहनेछन् । निर्वाचनमा १ सय ३६ जना मतदाता रहेपनि यसपल्ट भने १ सय ३१ जनाले मात्र मतदान गर्न पाउनेछन् । ७७ वटै जिल्लाबाट ७७ जना, सात प्रदेशबाट १४ जना, हालको केन्द्रीय कार्यसमितिबाट ३९ जना रहेपनि तीन जना राखेपका कर्मचारी रहेकाले मत हाल्न पाएनन् ।
रेफ्री कमिसनबाट १ र राष्ट्रिय खेलाडी (पुरुष र महिला) र तीन सिभिल क्लब (ढोरपाटन भलिबल प्रशिक्षण केन्द्र, न्यू डायमण्ड युथ स्पोर्टस क्लब र जावलाखेल भलिबल प्रशिक्षण केन्द्र) ले संघको निर्वाचनमा मताधिकार पाएका छन् । विवादका कारण बागमती प्रदेशले मताधिकार गुमाएको छ ।
May 3, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार सम्पन्न खेलहरुमा समाज कल्याण खेलकुद केन्द्र र स्पोर्ट्स एकेडेमी साँगा विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा समाज कल्याणले साँगा माथि ५-० को फराकिलो जित दर्ता गरेको हो । समाज कल्याणको जितमा सुजन चौधरीले ह्याट्रिक पूरा गरे। यस्तै रोजल दाहालले […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]
May 3, 2024
एजेन्सी – सनराईजर्स हैदराबादले राजस्थान रोयल्स माथि रोमाञ्चक जित जीत दर्ता गरेको छ । अन्तिम बलसम्म पुगेको खेलमा राजस्थानलाई हैदराबादले १ रनले पराजित गरेको हो । २०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रनको आवश्यकता रहेको थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ […]