काठमाडौं (हाम्रो खेलकुद) – नामिबियाका माइकल भान लिंगेनले आइसिसी विश्वकप लिग–२ त्रिकोणात्मक ओडिआई सिरिज अन्तर्गत घरेलु टोली नेपालविरुद्ध अर्धशतक प्रहार गरेका छन् ।

टियु क्रिकेट मैदानमा टस हारेर पहिला ब्याटिङको निम्तो पाएको नामिबियाले सुरुवाती २४ ओभरमा २ विकेट गुमाउँदै ९० रन बनाएको छ । नामिबियाका माइकल भान लिंगेन ६९ बलमा ४ चौका र २ छक्कासहित ५० रनमा अविजित छन् । कप्तान जेरार्ड इरास्मस ३९ बलमा १ चौकासहित १९ रनमा अविजित छन् । तेस्रो विकेटका लागि जेरार्ड र लिंगेनले ४५ रनको साझेदारी गरि सकेका छन् ।

तीव्र गतिका बलर सोमपाल कामीले चोभार एण्डबाट बलिङ गर्दै तेस्रो ओभरको पाँचौं बलमा ओपनर लो ह्यान्डरे लरेन्सलाई ५ रनमा बोल्ड आउट गरे । त्यसअघि सोमपालले इनिङको पहिलो बलनै नो फ्याँलेका थिए । दोस्रो विकेटका लागि कार्ल र माइकलले दोस्रो विकेटका लागि ३८ रनको साझेदारी गरेका थिए ।

स्पिनर सन्दीप लामिछानेले ११ औं ओभरको दोस्रो बलमा नामिबियाका कार्ल ब्रिकेनस्टोकलाई १३ रनमा बोल्ड आउट गरे । चोभार एन्डबाट आएका सन्दीपले आफ्नो स्पेलको दोस्रो बलमै विकेट लिँदै साझेदारी तोडेका थिए । विकेटपछि सन्दीप मैदानमा भावुक बनेका थिए ।