default_image

1 year ago

February 15, 2023

रग्बी लिगको दोस्रो चरण आज

220 views

0 Bookmark

काठमाडौं (हाम्रो खेलकुद) – नेपाल रग्बी संघको आयोजनामा जारी राष्ट्रिय क्लब रग्बी फिफ्टिन्स लिग अन्तर्गत दोस्रो चरणको खेल बुधबार दशरथ रंगशालामा हुँदैछ ।

चार टोली सहभागी लिगको पहिलो चरणमा गोर्खाली रग्बी क्लब र त्रिभुवन आर्मी क्लबले फराकिलो जित हासिल गरेका थिए । अंक तालिकामा आर्मी र गोर्खाली दुवैको समान ५-५ अंक रहेको छ । तर स्कोर अन्तरको आधारमा आर्मी अंक तालिकामा अघि छ ।

आजको खेलमा यी दुई टोलीले फरक प्रतिद्वन्द्वीको सामना गर्नेछन् । पहिलो खेलमा हार बेहोरेका आकाश भैरव क्लब र हिमालयन टाइगर रग्बी क्लब पहिलो जितको खोजीमा हुनेछन् ।

बुधबार दिउँसो १ बजे हुने पहिलो खेलमा त्रिभुवन आर्मी क्लबले हिमालयन टाइगर रग्बी क्लबको सामना गर्नेछ । पहिलो खेलमा आर्मीले आकाश भैरवलाई ७२-० को फराकिलो अन्तरले हराएको थियो । त्यस्तै हिमालयन टाइगर पहिलो खेलमा गोर्खालीसँग ६७-१७ को अन्तरले पराजित भएको थियो ।

दोस्रो ३ बजे हुने दोस्रो खेलमा गोर्खालीले आकाश भैरव क्लबसँग खेल्नेछ । पहिलो खेलमा कुनै अंक जोड्न नसकेको काभ्रेली क्लब आकाश भैरव बलियो चुनौती पेश गर्ने लक्ष्यमा हुनेछ । श्रीराम श्रेष्ठको उच्च प्रदर्शनमा अघि बढेको गोर्खाली लगातार जितसँगै उपाधिको सम्भावना बलियो बनाउने सुरमा हुनेछ ।

लिगको अन्तिम चरणको खेल शनिबार दशरथ रंगशालामा हुनेछ । लिग चरणको अन्त्यमा शीर्षस्थानमा रहने टोली च्याम्पियन बन्नेछ ।

July 17, 2024

एनआरटी र चर्च ब्वाइजको जित

काठमाडौं (हाम्रो खेलकुद) – ललित स्मृति यु-१८ लिगमा बुधवार भएका खेलमा न्यूरोड टिम (एनआरटी) र चर्च ब्वाइज युनाइटेड विजयी भएका छन् । दिनको पहिलो खेलमा चर्च ब्वाइजले अमन बहादुर तामाङले ४५औं मिनेटमा गरेको गोलको मद्दतले थ्रीस्टार क्लब माथि १-० ले जित हात पारेको हो । जित सँगै चर्च ब्वाइजको २ खेलमा ३ अंक भएको छ […]

July 17, 2024

मोड्रिच रियलको नयाँ कप्तान

एजेन्सी – मिडफिल्डर लुका मोड्रिच स्पेनिस क्लब रियल म्याड्रिडको नयाँ कप्तान नियुक्त भएका छन् । क्लब सँग एक वर्ष सम्झौता नवीकरण गर्दै क्रोएसियन खेलाडी मोड्रिच क्लबको नयाँ कप्तान बनेका हुन् । गत सिजनको अन्त्यमा सकिएको सम्झौता मोड्रिचले १ वर्षका लागि नवीकरण गरेका हुन् । रियलका कप्तान नाचो क्लब छोडेर साउदी लिगमा गएसँगै कप्तानीको भूमिका खाली […]

July 17, 2024

रियलले भित्र्याउन खोजेको योरो युनाइटेड जाने

एजेन्सी – रियल म्याड्रिडले भित्र्याउन खोजेको फ्रेन्च डिफेन्डर लेनी याेरो म्यानचेस्टर युनाइटेड जाने लगभग पक्का भएको छ । विभिन्न युरोपेली सञ्चार माध्यमका अनुसार १८ वर्षीय योरो युनाइटेड जाने भएका हुन् । रियलले योरोका लागि करिब २० मिलियन युरोको प्रस्ताव गरेको थियो । अर्कोतर्फ युनाइटेडले ५० मिलियन युरो भन्दा बढीको प्रस्ताव गर्यो जुन रियलको भन्दा निकै […]

Success

Thank you for your time.