काठमाडौं (हाम्रो खेलकुद) – पपुवा न्युगिनीका ओपनर किप्लिङ डोरिगाले आइसिसी विश्वकप लिग–२ त्रिकोणात्मक ओडिआई सिरिज अन्तर्गत युएईविरुद्ध आक्रामक अर्धशतक प्रहार गरेका छन् । टियु क्रिकेट मैदानमा टस हारेर पहिला ब्याटिङको निम्तो पाएको पिएनजीले ९ ओभरमा कुनै विकेट नगुमाई ६५ रन बनाएको छ ।

डोरिगा ३८ बलमा ८ चौका र २ छक्कासहित ५२ रनमा क्रिजमा छन् । उनलाई हिरि हिरिले १२ रनमा साथ दिएका छन् । डोरिगाले ३६ बलमा आफ्नो ओडिआई करिअरको तेस्रो अर्धशतक पूरा गरेका थिए ।

युएईको ३२ खेलमा ३१ अंक छ । शीर्ष पाँचमा रहँदै सोझै ओडिआई मान्यता जोगाउन बाँकी तीन खेल जित्नुपर्ने हुन्छ । शीर्ष तीनमा रहँदै सोझै विश्वकप छनोट खेल्न बाँकी चारै खेलमा विशाल जित हात पार्नुपर्ने हुन्छ । साथै नेटरनरेटमा निर्भर रहनेछ ।
पिएनजी भने शीर्ष पाँच दौडबाट बाहिरि सकेको छ ।

पहिलो खेलमा पिएनजी नेपालसँग ५२ रनले पराजित भएको थियो । यसै साता युएईलाई भने पपुवा न्युगिनीले दुवै खेलमा हराएको थियो ।

पिएनजीको प्लेइङ ११ :

असद भाला (कप्तान), किप्लिङ डोरिगा, चाल्स अमिनी, सेसे बाउ, टोनी उरा, हिरि हिरि, राइली हेकुरे, नर्मन भानुवा, सेमो कमिया, कबुवा मोरेआ र चाद सोफर ।

युएईको प्लेइङ ११ :

मोहम्मद वासिम (कप्तान), आयन खान, आर्यन लक्रा, आसिफ खान, सिपी रिजवान, जुनैद सिद्धिक, कार्तिक मयाप्पन, रोहन मुस्तफा, वृत्य अरविन्द, जहुर खान र जवार फरिद ।