default_image

1 year ago

April 2, 2023

युएईले विश्वकप छनोट खेल्ने सम्भावना उच्च

151 views

0 Bookmark

एजेन्सी – युएईले आइसिसी विश्वकप क्वालिफायर प्लेअफमा घरेलु टोली नामिबियालाई २८ रनले हराउँदै विश्वकप छनोट सम्भावना मजबुत बनाएकोछ । अन्तिम खेलमा युएईले बुधबार जर्सीलाई हराए आगमी जुन जुलाईमा जिम्बावेमा हुने विश्वकप छनोटमा पुग्नुको साथै ओडिआई मान्यता जोगाउनेछ ।

जितको लागि २ सय ६८ रनको विजयी लक्ष्य पछ्याएको नामिबिया ४८.४ ओभरमा २ सय ३९ रनमा अल आउट भयो । नामिबियाका ओपनर शन फौचेले ६० बलमा ६ चौका र १ छक्कासहित सर्वाधिक ४७ रन बनाए ।

माइकल भान लिंगेन ३४, कप्तान जेरार्ड इरास्मस ३०, कार्ल ब्रिकेनस्टक ३१ र रुबेन ट्रम्पलम्यान २८ रनमा आउट भए ।
युएईका रोहन मुस्तफाले ९ ओभरमा ३४ रन खर्चेर ३ विकेट लिए । जहुर खानले ९.४ ओभरमा ५९ रन खर्चेर ३ विकेट लिए । आयन खानले दुई, कार्तिक मयाप्पन र सन्चित शर्माले एक एक विकेट लिए ।

त्यसअघि विन्डहोकमा टस हारेर पहिला ब्याटिङको निम्तो पाएको युएईले निर्धारित ५० ओभरमा ५ विकेट गुमाउँदै २ सय ६७ रन बनाएको थियो । युएईका आसिफ खान ८६ बलमा ६ चौका र ५ छक्कासहित सर्वाधिक ९६ रनको सानदार इनिङ खेल्दै प्लेयर अफ द म्याच चुनिए । आसिफ ४७ औं ओभरको पहिलो बलमा रन आउट भएपछि ओडिआई करिअरको शतक बनाउन चार रनले चुकेका थिए ।

वृत्य अरविन्द १ सय १८ बलमा ७ चौका र १ छक्कासहित ९३ रनमा अविजित रहेका थिए । चौथो विकेटका लागि आसिफ र वृत्यले १ सय ६० रनको सानदार शतकीय साझेदारी गर्दै जितको आधार तय गरेका थिए ।

ओपनर आर्यन लाक्रा ४४ बलमा ३ चौकासहित २४, मोहम्मद वासिम २३ रमिज शाहजाद ४ रनमा आउट भए । नामिबियाका बेनार्ड स्कोल्टज, जेरार्ड इरास्मस, कार्ल ब्रिकेनस्टक र पिक्की या फ्रान्सले एक एक विकेट लिए ।

युएई ४ खेलमा ३ मा जित र १ मा हारसहित नेटरनरेटका कारण युएई दोस्रो स्थानमा छ । अन्तिम खेलमा बुधबार जर्सीलाई हराउँदा विश्वकप छनोटमा पुग्नुको साथै ओडिआई मान्यता बचाउनेछ । पराजित भएमा विश्वकप छनोटमा पुग्न र ओडिआई जोगाउन अन्य टोलीको नेटरनरेटमा निर्भर रहनुपर्ने हुन्छ ।

अमेरिका ४ खेलमा ३ मा जित र १ मा हारसहित ६ अंकका साथ शीर्ष स्थानमा छ । अमेरिकाले अन्तिम खेल मंगलबार जर्सीसँग खेल्नेछ । उक्त खेलमा विजयी भएमा अमेरिका आगमी जुन जुलाईमा जिम्बाबेमा हुने विश्वकप छनोटमा पुग्ने पक्कापक्की हुनेछ । अन्य टोलीको नतिजा र नेटरनरेट पनि हेर्नुपर्ने हुन्छ ।

क्यानडा ३ खेलमा २ मा जित र १ मा हारसहित ४ अंकका साथ तेस्रो स्थानमा छ । क्यानडाले नामिबिया र पपुवा न्युगिनीसँग खेल्नेछ । दुबै खेलमा विजयी भएमा ओडिआई मान्यता पाउनेछ । विश्वकप छनोटमा पुग्न नेटरनरेटमा निर्भर हुनुपर्ने हुन्छ ।

नामिबिया ४ खेलमा २ मा जित र २ मा हारसहित ४ अंकका साथ चौथो स्थानमा छ । जर्सी ३ खेलमा १ मा जित र २ मा हारसहित २ अंकका साथ पाँचौं स्थानमा छ । पपुवा न्युगिनी ५ खेलमा जित विहीन हुँदै विश्वकप छनोट यात्राबाट बाहिरिएको छ ।

प्रतियोगितामा नामिबिया, अमेरिका, जर्सी, क्यानडा, पपुवा न्युगिनी र युएई छन् । शीर्ष दुई टोलीले आगमी जुन जुलाईमा जिम्बावेमा हुने विश्वकप छनोट खेल्न पाउनेछन् । विश्वकप छनोटमा लिग २ मा शीर्ष तीन टोली नेपाल, ओमान र स्कटल्यान्डसँगै सुपर लिगका पुछारका पाँच र प्लेअफका शीर्ष दुई टोली गरि कुल १० टोली हुनेछन् ।

१० टोलीलाई दुई समूहमा विभाजन गरिनेछन । सुपर सिक्स हुँदै शीर्ष दुई टोलीले आगमी अक्टोबर नोभेम्बरमा भारतमा हुने विश्वकप खेल्न पाउनेछन् ।

यस प्लेअफ प्रतियोगिताबाट जर्सी, क्यानडा, युएई र पपुवा न्युगिनी मध्य दुई टोलीले ओडिआई मान्यता पाउनेछन् । यी चार टोलीबीचको प्रतिस्पर्धाबाट शीर्ष दुई स्थानमा रहने टोलीले ओडिआई मान्यता पाउनेन् ।

July 16, 2024

पहिलो प्रि-सिजन खेलमा म्यानचेस्टर युनाइटेडको हार

एजेन्सी – २०२४/२४ फुटबल सिजन अघिको प्रि-सिजन अन्तर्गत पहिलो खेलमा इंग्लिश टोली म्यानचेस्टर युनाइटेड पराजित भएको छ । नर्वेमा भएको खेलमा म्यानचेस्टर युनाइटेड घरेलु टोली रोसेनबोर्ग विरुद्ध १-० ले पराजित भएको हो । सो गोल खेलको अन्तिम समयमा आएर थियो । नोआह होल्मले इन्ज्युरी समयको तेस्रो मिनेटमा गोल गर्दै रोसेनबोर्गलै जित दिलाए । युनाइटेडका लागि […]

July 15, 2024

७० नेपाली कराते खेलाडीले भुटानमा चुनौती पेश गर्ने

काठमाडौं (हाम्रो खेलकुद)- दक्षिण एसियाली कराते च्याम्पियनसिपको आठौं संस्करणमा सहभागी हुन नेपाली कराते टोली सोमबार भुटानको थिम्पु प्रस्थान गरेको छ । साउन २ देखि ४ गतेसम्म हुने प्रतियोगितामा ७० नेपाली कराते खेलाडीले चुनौती प्रस्तुत गर्ने नेपाल कराते महासंघले जनाएको छ। टोलीलाई राष्ट्रिय खेलकुद परिषद् (राखेप) का सदस्य–सचिव टंकलाल घिसिङ, राखेपका पूर्व सदस्य–सचिव एवं कराते महासंघका […]

July 15, 2024

काभा नेसनल भलिबल लिगको हाम्रो खेलकुदले प्रत्यक्ष प्रसारण गर्ने

काठमाडौं (हाम्रो खेलकुद) – नेपाली राष्ट्रिय महिला भलिबल टोलीले भाग लिने काभा महिला भलिबल नेसनल लिगको हाम्रो खेलकुदले प्रत्यक्ष प्रसारण गर्ने भएको छ। साउन १७ देखि २३ गतेसम्म नेपालमा हुने नेसनल लिगको प्रत्यक्ष प्रसारणका लागि सोमबार नेपाल भलिबल संघ र हाम्रो खेलकुदबीच सम्झौता भएको छ। संघका अध्यक्ष जीतेन्द्रबहादुर चन्द र हाम्रो खेलकुदका सम्पादक‌ प्रकाश तिमल्सिनाले सम्झौता पत्रमा […]

Success

Thank you for your time.