default_image

1 year ago

May 22, 2023

उज्वेकिस्तानको सानदार विजयी सुरुवात

207 views

0 Bookmark

काठमाडौं (हाम्रो खेलकुद) – उज्वेकिस्तानले एनएससी -काभा महिला भलिबल च्यालेन्ज कपको पहिलो खेलमा श्रीलंकालाई सोझो सेटमा पराजित गर्दै सानदार विजयी सुरुवात गरेको छ ।

समूह बी मा रहेको उज्वेकिस्तानले सोमबार राष्ट्रिय खेलकुद परिषद (राखेप) स्थित कभर्डहलमा भएको पहिलो खेलमा श्रीलंकालाई ३-० ले हराउँदै महत्वपूर्ण तीन अंक बटुलेको छ । उज्वेकिस्तानले २७-२५, २५-२० र २५-१४ ले हराउँदै विजयी सुरुवात गरेको हो ।

सुरुवाती दुई सेटमा श्रीलंकाले अग्रता लिएपनि जोगाउन सकेको थिएन । तेस्रो सेटमा भने उज्वेकिस्तानले एकल प्रदर्शन गरेको थियो । पहिलो सेटमा उज्वेकिस्तान एक समय १-६ ले पछि थियो । टाइम आउट लिएपछि खेलमा फर्किएको थियो । श्रीलंकाले अग्रता बढाउँदै पुन १४-१० को अवस्थामा लगेको थियो ।

दोस्रो सेटमा पनि श्रीलंका ८-३ ले अग्रता लिएको थियो । ६-१० ले पछि परेको अवस्थाबाट उज्वेकिस्तानले खेल १३(१३ को बराबरीमा ल्याएको थियो । १४-१४ बराबरीको अवस्थाबाट उज्वेकिस्तानले श्रीलंकालाई पछि छाडेको थियो । तेस्रो सेटमा भने श्रीलंकाले सुरुवात देखिनै कमजोर प्रदर्शन गरेको थियो ।

आज समूह ए को पहिलो खेल दिउँसो १२ मा भारत र बंगलादेशबीच प्रतिस्पर्धा हुनेछ । नेपालले भने दिउँसो ४ : ३० मा कीर्गिस्तानबीच प्रतिस्पर्धा हुनेछ । आज दिनको अन्तिम खेलमा माल्दिभ्स र काजकास्तानबीच प्रतिस्पर्धा हुनेछ ।

च्यालेन्ज कपमा ८ राष्ट्रको सहभागिता रहेको छ । सहभागी टोलीलाई दुई समूहमा विभाजन गरिएको छ । सात दिने प्रतियोगिताको सुरुवाती तीन दिन ४ खेल र बाँकी ४ दिन दुई खेल हुनेछन् ।

नेपालले जेठ ९ गते बंगलादेशसँग र जेठ १० गते भारतसँग खेल्नेछ । समूह एमा नेपालसँगै भारत, बंगलादेश र कीर्गिस्तान रहेको छ । अर्को समूहमा उज्वेकिस्तान, श्रीलंका, माल्दिभ्स र काजकास्तान रहेका छन् ।

दुई समूहको राउन्ड रोविन लिगपछि शीर्ष २ टोलीले सेमिफाइनलमा र पुछारमा रहेका दुई टोलीले वरियताका लागि प्रतिस्पर्धा गर्नेछन् । च्यालेन्ज कपमा कुल २० खेल हुनेछ ।

खेलको पूरा भिडियो वहाँ हेर्नुहोस् :

June 21, 2024

अस्ट्रेलियामा सर्वाधिक धनराशीको भलिबल प्रतियोगिता हुने

सिड्नी – अस्ट्रेलियाको मेलबर्नमा सर्वाधिक धनराशीको पुरुष भलिबल प्रतियोगता ‘ग्लोबल मिट कप २०२४’ आयोजना हुने भएको छ । एलिट गोर्खा स्पोर्ट्स क्लबको आयोजना तथा ग्लोबल मिट एजुकेशन एण्ड भिषा सर्भिसको मुख्य प्रायोजनमा खुल्ला पुरुष तथा ३५ बर्षमाथि गरि दुई विधाको ‘ग्लोबल मिट कप २०२४’ आगामी जुन ३० तारिखमा हुन लागेको हो । एक दिने प्रतियोगिता […]

June 21, 2024

अष्ट्रेलियाको बंगलादेशविरुद्ध जित

एजेन्सी – आइसिसी टि-२० विश्वकप अन्तर्गत सुपर एट को आफ्नो पहिलो खेलमा अष्ट्रेलियाले बंगलादेश माथि जित हात पारेको छ । एन्टिग्वामा वर्षाले प्रभावित खेलमा अष्ट्रेलियाले डकवर्थ-लुइस पद्धति अनुसार २८ रनको जित हार पारेको थियो । बंगलादेशले दिएको १४० रनको लक्ष्य पछ्याउने क्रममा अष्ट्रेलिया ११.२ ओभरमा २ विकेटको क्षतिमा १०० रनको अवस्थामा हुँदा खेल वर्षाका कारण […]

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

Success

Thank you for your time.