default_image

1 year ago

May 26, 2023

चार नेपाली भलिबल रेफ्री अन्तर्राष्ट्रिय रेफ्रीमा बढुवा

282 views

0 Bookmark

काठमाडौं (हाम्रो खेलकुद) – नेपालका चार जना एभीसी इन्टरनेसनल रेफ्री क्यान्डिडेट पूर्ण रुपमा अन्तर्राष्ट्रिय भलिबल रेफ्री बन्न सफल भएका छन् ।

नेपालमा भइरहेको एनएससी काभा महिला भलिबल च्यालेन्ज कपमा मुख्य रेफ्रीको भूमिकामा दुई अन्तर्राष्ट्रिय खेल खेलाएसँगै नेपालका चारदजना इन्टरनेसनल रेफ्री क्यान्डिडेट पूर्ण रुपमा अन्तर्राष्ट्रिय रेफ्रीमा बढुवा भएका हुन् ।

टहल सिंह थापा मगर, विजय केसी, विकास गुरुङ र पूर्ण प्रसाद चौलागाईं अन्तर्राष्ट्रिय भलिबल रेफ्रीमा बढुवा भएका हुन् । यससँगै अब नेपालमा ७ जना इन्टरनेसनल भलिबल रेफ्री भएका छन् । यसअघि गौतम प्रसाद लासिवा, कुल बहादुर राना र चन्द्र वदना राई अन्तर्राष्ट्रिय भलिबल रेफ्री थिए ।

टहल र पूर्ण २०१७ मा तथा बिकास र विजय २०१८ मा एभिसी इन्टरनेसनल रेफ्री क्यान्डिेडट बनेका थिए । यि चारै जना एकैपटक इन्टरनेसनल रेफ्री बन्न सफल भएका हुन् ।

पूर्व अन्तर्राष्ट्रिय खेलाडीसमेत रहेका स्याङ्जाका टहल सन् २०११ यता रेफ्रीको भुमिका निभाइरहेका छन् । टहलले सन् २०११ मा फिव भिसिपी कोर्ष र सोही वर्ष फिव लेभल–१ भलिबल कोचेज कोर्ष उत्तिर्ण गरेका थिए । टहलले सन् २०१४ मा राष्ट्रिय भलिबल रेफ्री कोर्ष पूरा गर्दै राष्ट्रिय रेफ्री बनेका थिए ।

त्यसपछि टहल सन् २०१७ मा थाइल्यान्डको बैंककमा एभिसी इन्टरनेशनल रेफ्री क्यान्डिडेट कोर्ष पूरा गर्दै इन्टरनेसनल रेफ्री क्यान्डिडेट बनेका थिए । उनले काभा महिला भलिबल च्यालेन्ज कपमा उज्वेकिस्तान र श्रीलंका तथा काजकास्तान र उज्वेकिस्तानबीचको खेलमा पहिलो रेफ्री तथा उज्वेकिस्तान र माल्दिभ्सबीचको खेलमा दोस्रो रेफ्रीको भुमिका निभाइसकेका छन् ।

यस्तै वि.स. २०६५ सालमा राष्ट्रिय रेफ्री बनेका काभ्रेका केसी सन् २०१८ मा थाइल्यान्डमा भएको एभीसी इन्टरनेसनल रेफ्री क्यान्डिडेट कोर्ष उत्तिर्ण गरेपछि एभीसी इन्टरनेसनल रेफ्री क्यान्डिडेट बनेका थिए ।

केसीले काभा महिला भलिबल च्यालेन्ज कपमा श्रीलकां र काजकस्तान तथा श्रीलंका र माल्दिभ्सबीचको खेलमा पहिलो रेफ्री तथा बंगलादेश र भारत तथा किर्गिस्तान र माल्दिभ्सबीचको खेलमा दोस्रो रेफ्रीको भुमिका निभाएका थिए । केसी सशस्त्र प्रहरी बलमा प्रहरी निरीक्षक पदमा कार्यरत छन् र अन्य खेलकुदमा पनि सक्रिय भूमिकामा देखिन्छन् ।

२०६८ सालदेखि भलिबल रेफ्री रहेका गोरखाका विकास गुरुङ २०१८ मा एभीसी इन्टरनेसनल रेफ्री क्यान्डिडेट बनेका थिए । माल्दिभ्स र किर्गिस्तान तथा किर्गिस्तान र माल्दिभ्सबीचको खेलमा पहिलो रेफ्री तथा माल्दिभ्स र काजकस्तानबीचको खेलमा दोस्रो रेफ्रीको भुमिका निभाइसकेका छन् ।

सन् २००९ क्षेत्रीय रेफ्री बनेका जुम्लाका पूर्ण सन् २०१३ मा राष्ट्रिय रेफ्री बनेका थिए । सन् २०१५ मा थाइल्यान्डमा सिनियर रेफ्री रिफ्रेसर कोर्ष पूरा गरेका पूर्णले सन् २०१७ को मेमा इन्टरनेसनल रेफ्री क्यान्डिेडेट कोर्ष पूर्ण गर्दै इन्टरनेसनल रेफ्री क्यान्डिडेट बनेका थिए ।

पूर्णले काभा महिला भलिबल च्यालेन्ज कपमा श्रीलंका र बंगलादेश तथा उज्जेकिस्तान र किर्गिस्तानबीचको खेलमा पहिलो रेफ्री तथा काजकस्तान र किर्गिस्तानबीचको खेलमा दोस्रो रेफ्री बनेका छन् ।

नेपालका यि सबै चारै जना रेफ्रीले दक्षिण एसियाली खेलकुद (साग) र सेन्ट्रल जोन जस्ता अन्तर्राष्ट्रिय प्रतियोगितामा रेफ्रीको भुमिका निभाइसकेका छन् ।

May 27, 2024

नेपाललाई क्यानाडाविरुद्ध बलियो लक्ष्य

ड्यालास (हाम्रो खेलकुद) – आइसिसी टि-२० विश्वकप अन्तर्गत आफ्नो पहिलो वार्म अप खेलमा नेपालले क्यानाडाविरुद्ध बलियो लक्ष्य पाएको छ । ग्रान्ड प्रेरि मैदानमा टस हारेर पहिला ब्याटिङ गरेको क्यानाडाले निर्धारित २० ओभरमा ७ विकेटको क्षतिमा १ सय ८३ रन बनाएको छ । अन्तिम केही ओभरमा नेपाली बलर महंगो सावित हुँदा क्यानाडाले बलियो योगफल खडा गरेको […]

May 27, 2024

दीपेन्द्रसहित ग्रेसको विश्वकप गीत सार्वजनिक

काठमाडौं (हाम्रो खेलकुद) – अलराउन्डर दीपेन्द्र सिंह ऐरी ब्राण्ड एम्बेसडर रहेको ग्रेस इन्टरनेसनलले यसै साता सुरु हुने आइसीसी मेन्स टि२० विश्वकपको लागि विश्वकप विशेष गीत सार्वजनिक गरेको छ । एक दशकपछि टि२० विश्वकप खेल्न लागेको नेपाली टोलीको हौसला बढाउन तथा समर्थकहरुमा उत्साह थप्न गित सार्वजनिक गरिएको हो । विश्वभरका क्रिकेट प्रेमीहरुको ध्यान विश्वकपमा गइरहँदा नेपालका […]

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

Success

Thank you for your time.