default_image

9 months ago

May 29, 2023

नेपाल ५० रनमै अल आउट

काठमाडौं (हाम्रो खेलकुद) – नेपालले पहिलो महिला टि२० आई खेलमा घरेलु टोली मलेसियालाई ५१ रनको सामान्य लक्ष्य दिएको छ । टस हारेर पहिला ब्याटङको निम्तो पाएको नेपाल १६.५ ओभरमा ५० रनमा अल आउट भयो । नेपालको लागि डेब्यू खेल खेलेकी सम्झना खड्काले सर्वाधिक १३ रन बनाइन् । नेपालले अन्तिम ९ रन बनाउँदा ७ विकेट गुमाएपछि […]

51 views

0 Bookmark

काठमाडौं (हाम्रो खेलकुद) – नेपालले पहिलो महिला टि२० आई खेलमा घरेलु टोली मलेसियालाई ५१ रनको सामान्य लक्ष्य दिएको छ । टस हारेर पहिला ब्याटङको निम्तो पाएको नेपाल १६.५ ओभरमा ५० रनमा अल आउट भयो । नेपालको लागि डेब्यू खेल खेलेकी सम्झना खड्काले सर्वाधिक १३ रन बनाइन् ।

नेपालले अन्तिम ९ रन बनाउँदा ७ विकेट गुमाएपछि आफ्नो इतिहासकै खराब प्रदर्शन गरेको हो । नेपालको यो संयुक्त रुपमा कम योगफल हो । महिला टि२० आईमा यसअघि २०१९ मा १३ औं सागमा नेपाल बंगलादेशसँग ५० रनमै अल आउट भएको थियो । नेपालका ९ खेलाडीले दोहोरो अंकमा रन बनाउन सकेनन् ।

तीव्र गतिकी बलर ऐश्या एलिसाले दोस्रो ओभरको पाँचौं बलमा ओपनर सीता रानामगरलाई शून्यमा पेभेलिएन फर्काइन् । उनी आउट साइड एज लागेर विकेटकिपर वान जुलियाबाट क्याच आउट भएकी थिइन् । अर्को ओभरको पहिलो बलमा आइना हामिजाहले अर्की ओपनर काजोल श्रेष्ठलाई मास एलिसाबाट ६ रनमा क्याच गराइन् । काजोलले ११ बलमा एक चौका प्रहार गरिन् ।

एलिसाले इन्दु बर्मालाई ३ रनमा बोल्ड गरेपछि नेपाल ३.३ ओभरमा १२-३ को अवस्थामा पुगेको थियो । चौथो विकेटमा ज्योति पाण्डे र सम्झना खड्काले २९ रनको साझेदारी गर्दै खेलमा फर्काउने सम्भावना देखाएका थिए । एक समय नेपाल ८.३ ओभरमा ४१(३ को अवस्थामा थियो । तर निक नुर अतिलाले ज्योतिलाई ११ रनमा क्याच आउट गराएपछि नेपालले लगातार विकेट गुमाएको थियो । ज्योतिले १७ बलमा २ चौका प्रहार गरिन् ।

निक नुरकै बलमा आइना नजावा अब्दुलले कप्तान रुविना क्षेत्री बेलबासेको सानदार क्याच लिएपछि नेपाल संकटमा परेको थियो । रुविना १० बलमा २ रन बनाइन् । सम्झना खड्का २५ बलमा १ चौकासहित १३ रनमा रन आउट भइन् ।

अश्मिना कर्माचार्य तीन, कविता कुँवर र अप्सरी बेगम डक आउट भएपछि नेपाल १५.१ ओभरमा ५०-९ को अवस्थामा पुगेको थियो । मलेसियाकी निक नुर डीनले ४ ओभरमा १ मेडनसहित ९ रन खर्चेर सर्वाधिक तीन विकेट लिइन् ।

ऐश्या एलिसा २ ओभरमा ९ रन खर्चेर २ विकेट लिइन् । हमिजाहले ३.५ ओभरमा १० रन खर्चेर २ विकेट लिइन् । महिराह इश्लामीले ४ ओभरमा ३ रन खर्चेर २ विकेट लिइन् ।

February 25, 2024

खुल्ला राष्ट्रिय पुरुष हेटौंडा रन यसै साता

हेटौंडा (हाम्रो खेलकुद)- हेटौंडामा पहिलो पटक खुल्ला राष्ट्रिय पुरुष हेटौंडा रन प्रतियोगिता हुने भएको छ । गत वर्षहरुमा जिल्ला स्तरमा आयोजना हुने प्रतियोगिता यस पटक राष्ट्रिय स्तरका रुपमा सञ्चालन गर्न लागिएको बताइएको छ। हेटौंडा उपमहानगरापालिकाको सहयोग र नगर खेलकुद बिकास समितिको समन्वय तथा व्यवस्थापनमा सञ्चालन फागुन १८ गते हेटौंडा रन हुने आइतबार पालिकामा आयोजित पत्रकार […]

February 25, 2024

लिग-२ मा नेपालको तेस्रो हार

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत त्रिकोणात्मक सिरिजमा नेपालले तेस्रो खेलमा हार बेहोरेको छ । टियु क्रिकेट मैदानमा नेपालले नेदरल्यान्ड्समाथि ८ विकेटको जित दर्ता गरेको हो । नेपालले जितका लागि प्रस्तुत गरेको १ सय ७३ रनको लक्ष्य नेदरल्यान्ड्सले ३८ औं ओभरमा २ विकेट गुमाएर पूरा गरेको हो । नेदरल्यान्ड्सका लागि सिरिजको पहिलो […]

February 25, 2024

एनआरटी केपी ओली कपको सेमिफाइनलमा

काठमाडौं (हाम्रो खेलकुद) – न्यू रोड टिम (एनआरटी) राष्ट्रिय युवा संघद्वारा आयोजित केपी ओली कपको सेमिफाइनलमा प्रवेश गरेको छ । सातदोबाटोस्थित एन्फा कम्प्लेक्स आइतबार भएको पहिलो खेलमा थ्री स्टार क्लब माथि १-० को जित निकाल्दै एनआरटी अन्तिम चारमा प्रवेश गरेको हो । एनआरटीको जितमा विवेक गुरुङले एकमात्र गोल गरे । खेलमा धेरै अवसरहरु सिर्जना नभएपनि […]

Success

Thank you for your time.