default_image

2 years ago

June 22, 2023

गुलशनलाई पहिलो बलमै विकेट, नेपालको सानदार सुरुवात

200 views

0 Bookmark

काठमाडौं (हाम्रो खेलकुद) – तीव्र गतिका बलर गुलशन झाले आइसिसी एकदिवसीय विश्वकप छनोटमा वेस्टइन्डिजविरुद्ध आफ्नो पहिलो बलमै विकेट लिएका छन् । हरारे स्पोर्ट्स क्लबमा टस हारेर पहिला ब्याटिङको निम्तो पाएको वेस्टइन्डिज ४.१ ओभरमा २ विकेट गुमाउँदै ९ रन बनाएको छ ।

गुलशन झाले पाँचौं ओभरको पहिलो बलमा जोनसन चाल्र्सलाई शून्यमा पेभेलिएन फर्काएका छन् । गुलशनको योर्कर बलमा जोनसन एज लागेर विकेटकिपर आसिफ शेखबाट क्याच आउट भएका हुन् । क्रिजमा ब्रेन्डन किंग र कप्तान शाई होप छन् ।

त्यसअघि तीव्र गतिका बलर करण केसीको दोस्रो ओभरको तेस्रो बलमा कायल मेयर्सको क्याच कुशल भुर्तेलले लिएका हुन् । कुशल भुर्तेलले लामो दौडका साड मिडविकेटमा डाइभ हान्दै उत्कृष्ट क्याच लिएपछि मेयर्स एक रनमा पेभेलिएन फर्किएका थिए ।

नेपालले तेस्रो बलमै ओपनर कायल मेयर्सलाई रन आउट गर्ने अवसर गुमाएको थियो । भीम सार्कीले विकेटकिपर आसिफ शेखलाई दिएको थ्रो केहि सेकेन्ड ढिलो हुँदा उनी रन आउट हुनबाट बचेका थिए ।

नेपाल र वेस्टइन्डिज दुबैले आजको खेलमा प्लेइङ ११ मा परिवर्तन गरेका छैनन् । नेपाल पहिलो खेलमा जिम्बावेसँग ८ विकेटले पराजित भएको थियो । दोस्रो खेलमा अमेरिकालाई ६ विकेटले हराएको थियो । वेस्टइन्डिजले अमेरिकालाई पहिलो खेलमा ३९ रनले हराएको थियो ।

May 21, 2025

म्यानचेस्टर सिटी तेस्रो स्थानमा उक्लियो

एजेन्सी- म्यानचेस्टर सिटीले युइएफए च्याम्पियन्स लिगको छनोटको सम्भावनालाई थप मजबुत बनाएको छ। सिटीले इंग्लिस प्रिमियर लिगमा मंगलवार एएफसी बर्नमाउथलाई ३-१ ले पराजित गर्दै तेस्रो स्थानमा उक्लिएको छ। बर्नमाउथको युरोपेली फुटबल खेल्ने आशा समाप्त भएको छ । घरेलु मैदानमा १४ औं‌ मिनेटमा ओमार मार्मुशको शानदार गोलले पेप ग्वार्डिओलाको टोलीलाई प्रारम्भिक अग्रता दिलायो। क्लबका लागि अन्तिम घरेलु […]

May 20, 2025

राजस्थानसँग चेन्नईको हार

एजेन्सी – इण्डियन प्रिमियर लिग (आइपिएल) मा आज राजस्थान रोयल्सले चेन्नई सुपर किङ्सलाई ६ विकेटले हराएको छ। जितको लागि १ सय ८८ रनको चुनौती राजस्थानले १७.१ ओभरमा ४ विकेटको नोक्सानीमा पूरा गर्यो। ओपनर यशस्वी जैसवाल १९ बलमा ५ चौका र २ छक्का सहित सम्मान ३६ रनमा आउट भए। दोस्रो विकेटको लागि वैभव सूर्यवंशी र कप्तान […]

May 20, 2025

एचजेबिएलमा हाउण्ड्स र टाइम्स विजयी

काठमाडौं (हाम्रो खेलकुद)- हिमालयन जाभा बास्केटबल लिग (एचजेबिएल) मा मंगलबार शीर्ष स्थानको हाउण्ड्स एकेडेमी र टाइम्स बास्केटबल क्लब विजयी भएका छन् । कीर्तिपुर कभर्डहलमा भएको पहिलो खेलमा हाउण्ड्सले विजय बुर्जाको उत्कृष्ट प्रदर्शनमा घरेलु टोली कीर्तिपुर क्लबलाई ८०-६९ ले पराजित गरेको हो । सुरुवात देखि लिएको अग्रता नै हाउण्ड्सको जितमा निर्णायक बन्यो । हाउण्ड्सले पहिलो क्वाटरमा […]

Success

Thank you for your time.