काठमाडौं (हाम्रो खेलकुद) – त्रिभुवन आर्मी क्लबले सातौं प्रधानमन्त्री कप एनभिए महिला तथा पुरुष राष्ट्रिय भलिबल क्लब लिगमा नेपाल एपिएफ क्लबमाथि रोमान्चक जित हात पारेको छ । निकै रोमान्चक खेलमा आर्मीले एपिएफलाई ३–२ को सेटमा पराजित गर्दै फाइनल सम्भावना बलियो बनाएको छ ।

राष्ट्रिय खेलकुद परिषद् (राखेप) को कभर्डहलमा भएको खेलमा आर्मीले १८–२५, २५–१६, २४–२६, २८–२६ र १७–१५ ले जित्न सफल भएको हो । आर्मीले दोस्रो, चौथो र पाँचौं सेटमा जित निकालेको थियो ।

पहिलो सेटमा एपीएफले सुरुवातमा ४–१ को अग्रता लिएको । तर आर्मीले खेलमा पूनरागमन गर्दै ६–६ बराबर गर्न सफल भएको थियो । तर पुन एपीएफले उत्कृष्ट प्रदर्शनका साथ १३–९ को अग्रता लिएको थियो ।

त्यो समय चार अंकले पछी परेपछि आर्मीले पहिलो टाइम आउट लिएको थियो । पाँच अंकले अगाडि रहँदै एपिएफ १९–१४ को बलियो अवस्थामा थियो । पहिलो सेटमा एपिएफले २५–१८ को सहज जित हात पार्यो । एपीएफका हेमन्त मल्लको प्रदर्शन उत्कृष्ट थियो ।

आर्मीले दोस्रो सेटमा भने ९–५ को अग्रता लिएको थियो । एपीएफले चार अंकले पछी परेपछि टाइम आउट लिएको थियो । दुर्गा खड्काले उत्कृष्ट ब्लक गरेपछि आर्मी १२–६ को अवस्थामा थियो ।

१३–६ को अवस्थामा एपीएफले दोस्रो टाइम आउट लिएको थियो । राजेन्द्र बिस्ट र दुर्गा खड्काको ब्लक तथा मानबहादुर श्रेष्ठको सानदार स्पाइकमा आर्मी १७–७ को मजबुत अवस्थामा थियो । दोस्रो सेटमा सानदार पुनरागमन गरेको आर्मीले २५–१६ को सहज जित हात पार्यो ।

तेस्रो सेटमा आर्मी १०–७ ले पछी परेपछि पहिलो टाइम आउट लिएको थियो । आर्मीले टाइम आइट पछि दुई अंक लिएपनी त्यसपछी लगागातर दुई अंक गुमाएपछी १२–९ मा दोस्रो टाइम आउट लिएको थियो ।

एक समय १६–२१ को अवस्थामा रहेको आर्मीले लगातार तीन अंक जोडेपछि अपिएफले टाइम आउट लिएको थोयो । २२–२२ को बराबरी अवस्थाबाट एपिएफले जित हात पारेको थियो । सेट प्याइन्टमा रेफ्री विजय गुरुङले सेकेन्ड रेफ्री, लाइन जजलाई सोधपुछ गरेर एपीएफलाई ब्लक आउटको अंक दिएपछि एपीएफ २६–२४ ले विजयी भएको थियो ।

चौथो सेटमा सुरुमा ३–५ ले पछी भएको आर्मीले लगातर ४ अंक जोडेको थियो । एक समय ११–१३ ले पछी भएको आर्मीले लगातार चार अंक जोडेपछि १५–१३ को अग्रता लिएको थियो । लगातार चार अंक गुमेपछी एपिएफले टाइम आउट लिएको थियो । मानबहादुरले दुई सानदर स्पाइक हानेपछी आर्मी १८–१४ को बलियो अवस्थामा थियो । एपीएफले पुन टाइम आउट लिएको थियो ।

१८-२२ को खेलमा एपीएफले लगातार तीन अंक जोड्दै २१-२२ बनाएपछि आमीले टाइम आउट लिनु परेको थियो । हेमन्त मल्लले लगातार तीन अंक जोडेपछि खेल २४–२४ को बराबरी अवस्थामा पुगेको थियो । म्याच प्वाइन्टमा एपिएफका टेकराज अवस्थीको सर्भिस बाहिरिएपछि आर्मीले मौका पाएको थियो । चौथो सेटमा २८–२६ ले जित्दै खेललाई पाँचौं सेटमा पुर्याएको थियो ।

पाँचौ सेटमा आर्मीले सुरुवातमा ३-० को अग्रता लिएको थियो । तर एपीएफले उत्कृष्ट पुनरागमनको साथ ५–४ को अग्रता लिएको थियो । एपिएफले ८-६ का साथ कोर्ट परिवर्तन गरेको थियो । १२-१४ को अवस्थाबाट आर्मीले लगातर तीन अंक बटुल्दै अग्रता लिएको थियो ।

आर्मीले अव बिहीबार पुलिससँग खेल्नेछ । उक्त खेलमा विजयी भएमा फाइनल लगभग पक्कापक्की हुनेछ । शुक्रबार आर्मीले टिप टप हेल्प नेपालसँग खेल्नेछ । यो हारले एपिएफलाई भने बाँकी दुबै खेलमा जितको आवश्यक पर्दछ । बिहीबार टिपटप हेल्प नेपाल र शुक्रबार नेपाल पुलिससँग खेल्नेछ ।

आर्मी ४ खेलमा ११ अंकका साथ शीर्ष स्थानमा छ । हेल्प नेपाल पनि ४ खेलमा ११ अंकका साथ दोस्रो स्थानमा छ । नेपाल एपिएफ क्लब ४ खेलमा ३ मा जित र १ मा हारसहित १० अंकका साथ तेस्रो स्थानमा छ । नेपाल पुलिस ४ खेलमा ३ मा जित र १ मा हारसहित ९ अंकका साथ चौथो स्थानमा छ ।