default_image

11 months ago

July 14, 2023

एपिएफमाथि सानदार जित निकाल्दै पुलिस फाइनलमा

263 views

0 Bookmark

काठमाडौं (हाम्रो खेलकुद) – नेपाल पुलिस क्लबले सातौं प्रधानमन्त्री कप एनभिए पुरुषतर्फ राष्ट्रिय भलिबल क्लब लिगमा नेपाल एपिएफ क्लबलाई ३–० को सोझो सेटमा पराजित गर्दै फाइनलमा पुगेको छ । पुलिस ६ खेलमा १५ अंकका साथ शीर्ष स्थानमा रहँदै फाइनलमा पुगेको हो ।

राष्ट्रिय खेलकुद परिषद् (राखेप) को कभर्डहलमा भएको खेलमा पुलिसले एपिएफलाई २५–२२, २५–१३ र २५–१५ को सहज जित हात पारेको हो ।

सुरुवातमा ५–५ को बराबरी भएपनि एपिएफले लगातार तीन अंक जोड्दै खेलमा अघि बढेको थियो । सुरुवातमा एपिएफ १२–८ को अग्रतामा थियो । पुलिसले १३–१३ बराबरी गरेको थियो । पुलिसले लगातार तीन अंकका साथ २०–२० को बराबरी गर्दै पहिलो सेटनै रोमान्चक बनाएको थियो ।

रोमान्चक खेलमा लगातार तीन अंकका साथ पुलिसले पहिलो सेट २५–२२ ले जितेको थियो । दोस्रो सेटमा पुलिसले सुरुवातमा ५–२ को अग्रता लिएको थियो । उक्त अग्रतालाई निरन्तरता दिँदै पुलिसले १२–५ को उत्कृष्ट सुरुवात गरेको थियो । दोस्रो सेटमा पुलिसले २५–१३ को जितका साथ सेटमा २–० ले अघि बढेको थियो । तेस्रो सेटमा पनि पुलिसले सुरुवात देखिनै अग्रता लियो ।

तेस्रो सेटमा १६–१० को अग्रता लिँदै सहज जितको आधार तय गरेको थियो । पुलिस ६ खेलमा ५ मा जित र १ मा हारका साथ १५ अंक जोड्दै शीर्ष स्थानमा छ । हेल्प नेपाल ५ खेलमा अपराजित रहँदै १३ अंकका साथ दोस्रो स्थानमा छ ।

त्रिभुवन आर्मी क्लब ५ खेलमा ४ मा जित र १ मा हारसहित ११ अंकका साथ तेस्रो स्थानमा छ । आर्मी र हेल्प नेपालबीच ५ बजे खेल हुनेछ । उक्त खेलमा हेल्प नेपाल विजयी भएमा स्वत फाइनलमा पुग्नेछ ।

आर्मी फाइनलमा पुग्न ३-१ को सेटको जित हात पार्नुपर्ने हुन्छ । महिलातर्फ पुलिस शीर्ष र एपिएफ दोस्रो स्थानमा हुँदै फाइनलमा पुगेका छन् । महिला र पुरुष दुबैतर्फको फाइनल शनिबार हुनेछ ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

सुटिङकी सुष्मिताले पेरिस ओलम्पिक खेल्ने

काठमाडौं (हाम्रो खेलकुद)– सुटिङ खेलाडी सुष्मिता नेपालले पेरिस ओलम्पिक २०२४ मा भाग लिने निश्चित भएको छ । नेपाल ओलम्पिक कमिटी (एनओसी) का अनुसार पेरिस ओलम्पिकका लागि सुष्मिताको वाल्र्ड कार्डमार्फत खेल्ने भएकी हुन् । छनोट चरण पार गर्न नसक्ने देशका खेलाडीका लागि वाल्र्ड कार्डमार्फत सहभागी गराइन्छ । योसँगै यसपटक पेरिस ओलम्पिकमा भाग लिने नेपाली खेलाडीको संख्या […]

Success

Thank you for your time.