default_image

11 months ago

July 15, 2023

उपाधिको लागि हेल्प नेपाल र नेपाल पुलिस भिड्दै

339 views

0 Bookmark

काठमाडौं (हाम्रो खेलकुद) – सातौं प्रधानमन्त्री कप राष्ट्रिय भलिब क्लब लिगको पुरुषतर्फ फाइनलमा टिपटप हेल्प नेपाल र नेपाल पुलिस क्लबबीच प्रतिस्पर्धा हुँदैछ । खेल दिउँसो ३ बजे राष्ट्रिय खेलकुद परिषद् (राखेप) को कभर्डहल त्रिपुरेश्वरमा सुरु हुनेछ ।

हेल्प नेपाल अपराजित रहँदै फाइनलमा पुगेको हो । हेल्प नेपालले ६ खेलमा १६ अंकका साथ शीर्षस्थानमा रहँदै फाइनल खेलेको हो । उता पुलिस ६ खेलमा ५ मा जित र १ मा हारसहित १५ अंकका साथ दोस्रो स्थानमा रहँदै फाइनल खेलेको हो ।

पाकिस्तानका कप्तान तथा स्पाइकर अ‍ैमल खान, माजहर अली र सेटर आदनान रहेको हेल्प नेपाल अपराजित रहँदै उपाधि जित्न चाहन्छ । माजहर र अ‍ैमल दुबैको प्रदर्शन सानदार छ । यी दुई स्पाइकरको शक्तिशाली प्रहार सामना गर्न पुलिसलाई सहज हुनेछैन ।

तर उत्कृष्ट लयमा रहेका विशाल विक, रविन चन्द र सफल विकको जोडी हेल्प नेपाललाई स्तब्ध पार्न चाहन्छ । विशाल उच्च लयमा छन् । आर्मीलाई ३-० को सोझो सेटमा पराजित गर्न उनी नायक बनेका थिए । अनुभवी खेलाडी कुल बहादुर थापा पनि राम्रो लयमा छन् । विशालको प्रदर्शन निकै महत्वपूर्ण हुनेछ ।

समूह चरणमा हेल्प नेपालले पुलिसलाई ३-२ को सेटमा पराजित गरेको थियो । उक्त खेलमा हेल्प नेपाल २५-२०, २०-२५, ३०-२८, २५-१८ र २४-२२ ले जितेको थियो ।

निर्णायक पाँचौं सेटको खेल २४-२२ मा सकिएको थियो । कडा प्रतिस्पर्धा भएको खेलमा पुलिस अन्तिम समयमा पराजित हुन पुगेको थियो । फाइनलमा यी दुई टोलीबीच निकै कडा प्रतिस्पर्धाको अनुमान गरिएको छ । विशाल र अ‍ैमलको स्पाइक हेर्न लायक हुनेछ ।

महिलातर्फ फाइनलमा आज दिउँसो १२ बजे नेपाल पुलिस क्लब र नेपाल एपिएफ क्लबबीच प्रतिस्पर्धा हुनेछ । दुवैतर्फको विजेता टोलीले ६ लाख, दोस्रो हुनेले ३ लाख, तेस्रो हुनेले १ लाख ५० हजार र चौथो हुने टोलीले ७५ हजार रुपैयाँ प्राप्त गर्नेछन् ।

प्रतियोगितामा पुरुष तथा महिला तर्फ सर्वोत्कृष्ट खेलाडीले समान ३५ तथा उत्कृष्ट सर्भर, सेटर, ब्लकर, स्पाईकर, लिवेरो र प्रशिक्षकले जनही १५ हजार रुपैयाँ प्राप्त गर्ने छन् ।

June 21, 2024

अस्ट्रेलियामा सर्वाधिक धनराशीको भलिबल प्रतियोगिता हुने

सिड्नी – अस्ट्रेलियाको मेलबर्नमा सर्वाधिक धनराशीको पुरुष भलिबल प्रतियोगता ‘ग्लोबल मिट कप २०२४’ आयोजना हुने भएको छ । एलिट गोर्खा स्पोर्ट्स क्लबको आयोजना तथा ग्लोबल मिट एजुकेशन एण्ड भिषा सर्भिसको मुख्य प्रायोजनमा खुल्ला पुरुष तथा ३५ बर्षमाथि गरि दुई विधाको ‘ग्लोबल मिट कप २०२४’ आगामी जुन ३० तारिखमा हुन लागेको हो । एक दिने प्रतियोगिता […]

June 21, 2024

अष्ट्रेलियाको बंगलादेशविरुद्ध जित

एजेन्सी – आइसिसी टि-२० विश्वकप अन्तर्गत सुपर एट को आफ्नो पहिलो खेलमा अष्ट्रेलियाले बंगलादेश माथि जित हात पारेको छ । एन्टिग्वामा वर्षाले प्रभावित खेलमा अष्ट्रेलियाले डकवर्थ-लुइस पद्धति अनुसार २८ रनको जित हार पारेको थियो । बंगलादेशले दिएको १४० रनको लक्ष्य पछ्याउने क्रममा अष्ट्रेलिया ११.२ ओभरमा २ विकेटको क्षतिमा १०० रनको अवस्थामा हुँदा खेल वर्षाका कारण […]

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

Success

Thank you for your time.