काठमाडौं (हाम्रो खेलकुद) – नेपाल पुलिस क्लबकी स्पाइकर पुनम चन्द सातौं प्रधानमन्त्री कप एनभिए महिला तथा पुरुष भलिबल क्लब लिगका सर्वोत्कृष्ट खेलाडी चुनिएका छन् ।

नेपाल पुलिस क्लबलाई अपराजित रहँदै च्याम्पियन बनाउन उत्कृष्ट प्रदर्शन गरेकी पुनम सर्वोत्कृष्ट खेलाडी चुनिएकी हुन् । उनले नगद ३५ हजार रुपैयाँ प्राप्त गर्नेछिन् । उदीयमान खेलाडीले १० र अन्य सबै विधाका उत्कृष्ट खेलाडीले नगद १५ हजार प्राप्त गर्नेछन् ।

फाइनलमा पुलिसले एपिएफलाई ३-१ को सेटमा हराउँदै ६ लाख पुरस्कार पक्का गरेको हो । राष्ट्रिय खेलकुद परिषद् ९राखेप० को कभर्डहल त्रिपुरेश्वरमा भएको फाइनलमा २५-१२, २१-२५, २५-२३, २५-१९ को सेटमा हराउँदै उपाधि जितको हो ।

विजेता टोलीले ६ लाख, दोस्रो हुने एपिएफले ३ लाख, तेस्रो हुने न्यू डायमण्डले १ लाख ५० हजार र चौथो हुने आर्मीले ७५ हजार रुपैयाँ प्राप्त गर्नेछन् ।

सर्वोत्कृष्ट खेलाडी – पुनम चन्द (पुलिस)

उत्कृष्ट स्पाइकर – उषा भण्डारी (पुलिस)

उत्कृष्ट सेटर – कमला पुन (पुलिस)

उत्कृष्ट सर्भर – सरस्वती चौधरी (एपिएफ)

उत्कृष्ट ब्लकर – संगम महतो (आर्मी)

उत्कृष्ट लिबेरो – शान्तिकला तामाङ (पुलिस)

उत्कृष्ट प्रशिक्षक – रुपेश विष्ट (पुलिस)

उदीयमान खेलाडी – सुमित्रा रेग्मी (न्यू डायमण्ड)