काठमाडौं (हाम्रो खेलकुद) – पाकिस्तान भलिबल टोलीका कप्तान तथा हेल्प नेपालका प्रमुख स्पाइकर ऐमल खान सातौं प्रधानमन्त्री कप एनभिए महिला तथा पुरुष भलिबल क्लब लिगका सर्वोत्कृष्ट खेलाडी चुनिएका छन् ।

टिप टप हेल्प नेपाललाई अपराजित रहँदै च्याम्पियन बनाउन ऐमलले सानदार प्रदर्शन गरेका थिए । फाइनलमा उनको उत्कृष्ट प्रदर्शनको सहयोमा टिपटप हेल्प नेपालले पुलिस क्लबलाई ३–१ को सेटमा पराजित गरेको थियो । उनले सर्वोत्कृष्ट वापत रु ३५ हजार प्राप्त गर्नेछन् ।

राष्ट्रिय खेलकुद परिषद् (राखेप) को कभर्डहलमा भएको खेलमा हेल्प नेपालले २५–१९, ११–२५, २५–१८, २५–१८ को जित हात पारेको हो । विजेता टिपटप हेल्प नेपालले ६ लाख, उपविजेता नेपाल पुलिस क्लबले तीन लाख, तेस्रो भएको आर्मीले १ लाख ५० हजार र चौथो भएको नेपाल पुलिस क्लबले ७५ हजार प्राप्त गर्नेछन् ।

उदीयमान खेलाडीले १० हजार र अन्य सबै विधाका उत्कृष्ट खेलाडीले नगद १५ हजार प्राप्त गर्नेछन् । अपराजित रहँदै रहेको हेल्प नेपालले सर्वोत्कृष्ट खेलाडी सहित कुल पाँच ब्यक्तिगत अवार्ड जितेको छ ।

सर्वोत्कृष्ट खेलाडी – ऐमल खान (हेल्प नेपाल)

उत्कृष्ट लिबरो – टोबहादुर थापा (दीपक) हेल्प नेपाल

उत्कृष्ट सेटर – आदनान खान (हेल्प नेपाल)

उत्कृष्ट सर्भर – हेमन्त मल्ल (नेपाल एपिएफ क्लब)

उत्कृष्ट स्पाइकर – माजहर अली (हेल्प नेपाल)

उत्कृष्ट ब्लकर – दुर्गा खड्का ( त्रिभुवन आर्मी क्लब)

उत्कृष्ट प्रशिक्षक – उत्वस खड्का (टिपटप हेल्प नेपाल)

उदीयमान खेलाडी – रविन चन्द (नेपाल पुलिस)