काठमाडौं, असोज ३ –
नेपालको संविधान सभाले अन्नतः नयाँ संविधान जारी गरेको छ । नयाँ संविधान जारी भएको खुसीमा देशका अधिकांश ठाँउमा दिपावली मनाइरहँदा यसप्रति असहमत हुनेको संख्या पनि उल्लेख छ । मुख्यतः तराइ केन्द्रित दल संविधान सभा निर्माण प्रक्रियामा अन्तिम समयमा बाहिरिदा संविधान यति छिट्टै आउला भन्ने शंका थियो ।
तर, खास गरि सत्तासिन नेपाली काग्रेस, एमाले र विपक्षी एकिकृत माओवादी संविधान जारी गर्नेमा एक ठाँउमा उभिएपछि झन्डै ६५ बर्ष देखि संविधान सभाले संविधान बनाउने नेपालीको सपना पुरा भएको छ । नयाँ संविधान जारीसँगै चुनौति पनि त्यतिकै जोडिएर आउनेछन् । संविधान सभाको प्रक्रियाबाट अलग भएका र पहिलाबाटै यसप्रति अविश्वास गर्नेलाई पनि मुलप्रवाहमा ल्याउन अव ध्यान दिन पर्ने बेला भएको छ । संविधान सभाबाट संविधान नेपालको सन्दर्भमा पनि पहिलो भएकोले यसले सबैका लागि भावनालाई पक्कै समेटेको छैन । राजनीतिक दलले नै पनि यसलाई सहमतिको दस्तावेज भनेका छन् ।
समानुकुल परिवर्तन आवश्यक छ । त्यसलाई नयाँ संविधानले ग्यारेन्टी गरेको छ । २२÷२४ राज्य हुँदै पृथ्वीनारायण शाहको नेतृत्वमा एकिकरण भएको नेपाल अहिले संघियतामा प्रवेश गरेको छ । यो आफैमा नेपालका लागि नयाँ प्रयोग हो । अहिले सात प्रदेशमा सहमति बनेपछि यसपमा असहमत हुने राजनीतिक दल र व्यक्तिको संख्या पनि उत्तिकै छ । तर नेपालले संघिय गणतन्त्रलाई संविधानमै समेटिसकेको छ । धर्म निरपक्षता कायम भएको छ । यसलाई नयाँ नेपालको सुरुआतका रुपमा मानेर आवश्यकता अनुसार परिमार्जन गर्दै लाने तत्परताका साथ अघि बढ्न सके नेपालले आउँदा दिनमा विकासको बाटो समात्न सक्ने सम्भावना रहन्छ । संविधान जारी भएकोमा सबैलाई नेपालीलाई फेरी एकपटक हाम्रो खेलकुदका तर्फबाट बधाई ।
