9 months ago
July 27, 2023
काठमाडौं (हाम्रो खेलकुद) – इतिहासमै पहिलो पटक एसियाली खेलकुदमा सहभागिता जनाउने अवसर पाएको नेपाली महिला राष्ट्रिय भलिबल चीनको हान्झोउमा दुई महिनापछि अग्निपरीक्षाको सामना गर्नुपर्ने भएको छ ।
बिहीबार भएको समूह चरणको ड्र अनुसार नेपालको महिला भलिबल टोलीले समूह सी मा दक्षिण कोरिया र भिएतनामको सामना गर्नुपर्ने भएको हो । एसियाली वरीयतामा कोरिया चौथो र भिएतनाम छैटौं स्थानमा रहेको छ ।
कोरिया नेपालले सामना गर्न लागेको सबैभन्दा शीर्ष वरीयताको टोली हुनेछ । यसअघि नेपालले सामना गर्दै आएको भारत एसियाली वरीयताको १४ औं स्थानमा छ । एसियाली खेलकुदमा भारत रहेको समूह ए मा भने आयोजक तथा स्वर्ण दावेदार चीन र उत्तर कोरिया रहेका छन् ।
समूह विभाजन यसप्रकार रहेको छ :
नेपालले बेल्जियन प्रशिक्षक जान डे ब्रान्टको नेतृत्वमा प्रतियोगिताका लागि तयारी जारी राखेको छ । चार महिनाअघि सुरु भएको नेपालको तयारीमा गत महिना काभा महिला च्यालेन्ज कपले थप सहयोग पुर्याएको थियो । नेपाल तेस्रो भएको प्रतियोगितामा भारत विजेता र कजाकस्तान उपविजेता बनेका थिए ।
नेपालको एसियाली खेलकुद खेल्ने महिला भलिबल टोली :
अरुणा शाही (कप्तान), सरस्वती चौधरी, प्रतिभा माली, सलिना श्रेष्ठ, सफिया पुन, पुनम चन्द, उषा भण्डारी, कामना विष्ट, कविता भट्ट, जानकी भण्डारी, संगम महतो, निरुता ठगुन्ना
May 7, 2024
एजेन्सी – म्यानचेस्टर युनाइटेडले इंग्लिस प्रिमियर लिगमा लज्जास्पद हार बेहोरेको छ । युनाइटेडले घरेलु टोली क्रिस्टल प्यालेससँग ४–० को लज्जास्पद हार बेहोरेको हो । युनाइटेडलाई लज्जास्पद हार चखाउन माइकल ओलिसेले दुई तथा जिन फिलिप माटेटा र टेरिक मिट्चेलले समान एक गोल गरे । यससँगै क्रिस्टल प्यालेसले यो सिजनको प्रिमियर लिगको दुवै खेलमा युनाइटेडलाई हराउन सफल […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले सनराईजर्स हैदराबाद माथि सहज जित दर्ता गरेको छ । मुम्बईले हैदराबाद माथि ७ विकेटको जित हासिल गरेको हो । हैदराबादले दिएको १७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेटायो । मुम्बईका सूर्यकुमार यादवले ५१ बलमा १२ चौका र ६ छक्का सहित १०२ रनको अविजित […]
May 6, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत सोमबार भएका खेलमा खालीबारी युथ एफसी र रानीवन स्पोर्ट्स क्लब विजयी भएका छन् । एन्फा कम्प्लेक्समा भएको दिनको पहिलो खलमा खालीबारीले पुल्चोक स्पोर्ट्स क्लब माथि १-० को जित दर्ता गरेको हो । खालीबारीको जितमा मार्वल सुनुवारले २७औं मिनेटमा खेलको एकमात्र गोल गरे । जित पछि […]