default_image

11 months ago

July 27, 2023

पुरुष भलिबलमा नेपाल र इरान एकै समूहमा

504 views

0 Bookmark

काठमाडौं (हाम्रो खेलकुद) – चीनको हान्झोउमा दुई महिनापछि सुरु हुने १९ औं एसियाली खेलकुदको पुरुष भलिबलतर्फ नेपालले एसियाली पावरहाउस इरानसँग खेल्ने भएको छ ।

बिहीबार भएको समूह चरणको ड्र अनुसार नेपाल र इरानसँगै समूह बी मा बहराइन रहेको छ । इरान विश्व वरीयताको दशौं तथा एसियाली वरीयतामा दोस्रो स्थानमा रहेको छ । बहराइन विश्व वरियतामा ७७ औं स्थानमा छ ।

विश्व वरीयतामा दक्षिण एसियाली राष्ट्र पाकिस्तान ५४, श्रीलंका ६३ र भारत ७३ औं स्थानमा रहेका छन् । वरीयतामा नेपालभन्दा माथि रहेपनि श्रीलंकाले भने पुरुष भलिबलमा सहभागिता जनाएको छैन ।

समूह विभाजन यसप्रकार रहेको छ :

  • समूह ए : चीन, किर्गिस्तान, कजाकस्तान
  • समूह बी : इरान, नेपाल, बहराइन
  • समूह सी : दक्षिण कोरिया, भारत, कम्बोडिया
  • समूह डी : चाइनिज ताइपेइ, पाकिस्तान, मंगोलिया
  • समूह ई : कतार, थाइल्याण्ड, हङकङ चीन
  • समूह एफ : जापान, इन्डोनेसिया, फिलिपिन्स, अफगानिस्तान

नेपालले पछिल्लो दुई महिनादेखि एसियाली खेलकुदको लागि तयारी गरिरहेको छ । गत महिना नेपालले काभा नेसन्स लिगमा सहभागिता जनाउँदै त्यसका लागि तयारी पनि गरेको थियो । तर नेपालको लागि नतिजा भने सन्तोषजनक रहेन । नेपालले सबै खेलमा हार बेहोरेको थियो ।

पुरुष टोलीको प्रशिक्षण सम्हालन डच प्रशिक्षक हान एबिङ नेपाल आउने तयारी रहेको छ । भलिबल संघले उनको नियुक्ति भएको बताएपनि हाल महिला टोलीकै प्रशिक्षक जान डे ब्रान्टले टोलीलाई हेरिरहेका छन् ।

एसियाली खेलकुदका लागि नेपालको अन्तिम टोली:

मानबहादुर श्रेष्ठ (कप्तान), रविन चन्द, विशाल विक, टेकराज अवस्थी, धिरज काजी बस्नेत, हेमन्त मल्ल, लोकेन्द्र गिरि, सम्राट भण्डारी, विनोद चन्द, दुर्गाबहादुर खड्का, सफल विक, मनिष मानन्धर

June 21, 2024

अस्ट्रेलियामा सर्वाधिक धनराशीको भलिबल प्रतियोगिता हुने

सिड्नी – अस्ट्रेलियाको मेलबर्नमा सर्वाधिक धनराशीको पुरुष भलिबल प्रतियोगता ‘ग्लोबल मिट कप २०२४’ आयोजना हुने भएको छ । एलिट गोर्खा स्पोर्ट्स क्लबको आयोजना तथा ग्लोबल मिट एजुकेशन एण्ड भिषा सर्भिसको मुख्य प्रायोजनमा खुल्ला पुरुष तथा ३५ बर्षमाथि गरि दुई विधाको ‘ग्लोबल मिट कप २०२४’ आगामी जुन ३० तारिखमा हुन लागेको हो । एक दिने प्रतियोगिता […]

June 21, 2024

अष्ट्रेलियाको बंगलादेशविरुद्ध जित

एजेन्सी – आइसिसी टि-२० विश्वकप अन्तर्गत सुपर एट को आफ्नो पहिलो खेलमा अष्ट्रेलियाले बंगलादेश माथि जित हात पारेको छ । एन्टिग्वामा वर्षाले प्रभावित खेलमा अष्ट्रेलियाले डकवर्थ-लुइस पद्धति अनुसार २८ रनको जित हार पारेको थियो । बंगलादेशले दिएको १४० रनको लक्ष्य पछ्याउने क्रममा अष्ट्रेलिया ११.२ ओभरमा २ विकेटको क्षतिमा १०० रनको अवस्थामा हुँदा खेल वर्षाका कारण […]

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

Success

Thank you for your time.