default_image

10 months ago

August 17, 2023

नेयमार अल हिलालमा आवद्ध

1090 views

0 Bookmark

एजेन्सी – ब्राजिली स्टार फरवार्ड नेयमार फ्रान्सेली च्याम्पियन पेरिस सेन्ट जर्मेन (पिएसजी) बाट साउदी प्रो लिग क्लब अल हिलालमा आबद्ध भएका छन् ।

क्याटलान क्लब बार्सिलोनाका पूर्व फरवार्ड ३१ वर्षीय नेयमार २ वर्षका लागि ९० मिलियन युरो र थप एड अनमा अल हिलालमा आबद्ध भएका हुन् ।

‘मैले युरोपमा धेरै उपलब्धिसँगै विशेष समयको आनन्द उठाइसकेको छु । तर, म सधैं विश्वव्यापी खेलाडी बन्न चाहन्छु र नयाँ ठाउँहरूमा नयाँ चुनौती र अवसरहरूसँग आफूलाई परीक्षण गर्न चाहन्छु ।’ अल हिलालमा आबद्ध भएपछि नेयमारले भने ।

नेयमार नयाँ सिजनका लागि प्रशिक्षक लुइस एनरिकको योजनाको हिस्सा थिएनन् । सन् २०१७ मा बार्सिलोनाबाट विश्व कीर्तिमानी २ सय मिलियन पाउन्डमा पिएसजीमा आबद्ध भएका नेयमार गत शनिबार फ्रेन्च लिग वानमा लोरिएन्टविरुद्ध गोलरहित बराबरी खेल्दा टोलीमा थिएनन् ।

अर्जेन्टिनी लियोनल मेस्सीले पनि क्लब छाडेपछि स्टार र उच्च पारिश्रमिक लिने खेलाडीहरूलाई अनुबन्ध गर्ने ‘ग्यालेक्टिकोस’ युगबाट टाढा सर्ने पिएसजीको रणनीतिलाई नेयमारले सहज पारिदिएका छन् ।

पिएसजीले च्याम्पियन्स लिग जित्ने लक्ष्यसहित स्टार खेलाडीलाई उच्च मुल्यमा क्लबमा आबद्ध गरेपनि क्लबले च्याम्पियन्स लिगको उपाधि जित्न सकेको छैन ।

‘म खेलकुदको नयाँ इतिहास लेख्न चाहन्छु, र साउदी प्रो लिगमा यतिबेला ठूलो ऊर्जा र गुणस्तरीय खेलाडीहरू छन् ।’ नेयमारले थपे, ‘मैले धेरै सुनेको छु र सिकेको छु कि म साउदी अरबमा वर्षौंदेखि खेलेका ब्राजिलियन खेलाडीहरूको लामो सूची पछ्याउँदै छु, त्यसैले मलाई विश्वास छ कि यो मैले रोजेको अर्काे गन्तव्य हो ।’

नेयमारले पिएसजीमा वार्षिक २५ मिलियन युरो आम्दानी गरिरहेको थियो । अब नेयमारले साउदी अरेबियामा प्रतिवर्ष १५० मिलियन युरो कमाउने छ । यो पिएसजीमा कमाएको भन्दा ६ गुणा बढी हो ।

अल हिलालका अध्यक्ष फहाद बिन सादले नेयमारलाई क्लबमा स्वागत गर्दै उनी एक विश्वव्यापी आइकन रोक्न नसक्ने आक्रमणकारी शक्ति रहेको बताएका छन् ।

नेयमारले पिएसजीबाट १७३ खेल खेल्दा १३ ट्रफी जितेका छन् । जसमा पाँच लिग वान समावेश छ । साथै पिएसजीलाई २०२० को च्याम्पियन्स लिगको फाइनल पु¥याउन भुमिका निभाएका थिए ।

पीएसजीका अध्यक्ष नासेर अल खेलाफीले विश्वका उत्कृष्ट खेलाडीमध्ये एक नेमार जस्ता अद्भुत खेलाडीलाई बिदाइ गर्न सधैं गाह्रो हुने बताएका छन् । ‘उनी पेरिस सेन्टजर्मेन आइपुगेको दिन म कहिल्यै बिर्सने छैन, र विगत ६ वर्षमा उनले हाम्रो क्लब र हाम्रो परियोजनामा ठुलो योगदान दिएका छन् ।

नेयमारले पिएसजी छाड्ने पक्का भएपछि पिएसजीले केलियन एमबाप्पेसँग छल फल गर्दै प्रशिक्षणमा बोलाएका छन् । उनी सिधै प्रशिक्षणमा जोडिइसकेका छन् ।

साउदी क्लबमा नेयमारको आगमनसँगै आगामी केही वर्षमा साउदी प्रो लिग विश्वको शीर्ष प्रतियोगिता बन्ने बाटोलाई थप मजवुत बनाएको छ ।

नेयमार साउदीमा आउनुअघि करिम बेन्जेमा, एन गोलो कान्टे, जोर्डन हेन्डरसन, रुबेन नेभेस, साडियो माने र रोबर्टो फिर्मिनो सबै साउदी अरब आइसकेका छन् । पोर्चुगलका सुपरस्टार क्रिस्टियानो रोनाल्डो जनवरीमा म्यानचेस्टर युनाइटेडबाट अल नासरमा आएसँगै साउदी प्रो लिगका चर्चा चुलिएको हो ।

June 20, 2024

दक्षिण अफ्रिकासँग अमेरिका पराजित

एजेन्सी- दक्षिण अफ्रिकाले आईसीसी टि ट्वान्टी विश्वकप को पहिलो सुपर एटको खेलमा अमेरिकालाई १८ रनले हराएको छ । १ सय ९५ रनको लक्ष्य पछ्याएको अमेरिकाले २० ओभरमा ६ विकेट गुमाउँदै १ सय ७६ रन बनायो । अमेरिकाका एन्ड्रिस गौसले ४७ बलमा ५ चौका र ५ छक्कासहित सर्वाधिक ८० रन बनाए । हरमित सिंहले २२ बलमा […]

June 20, 2024

जर्मनी युरो कपको अन्तिम १६ मा पुग्ने पहिलो टोली

एजेन्सी – आयोजक जर्मनी युरो कप २०२४ को अन्तिम १६ मा पुग्ने पहिलो टोली बनेको छ । बुधवार भएको समूह चरणको आफ्नो दोस्रो खेलमा हंगेरी माथि २-० को जित दर्ता गर्दै जर्मनी दोस्रो चरणमा प्रवेश गरेको हो । जर्मनीका लागि जमाल मुसियाला र इलकाय गुन्डोगानले समान १-१ गोल गरे । २२औं मिनेटमा गुन्डोगानकै पासमा गोल […]

June 19, 2024

अल्बानिया र क्रोएसियाको रोमाञ्चक बराबरी

एजेन्सी – हारको संघारमा रहेको अवस्थामा अन्तिम समयमा गोल गर्दै अल्बानियाले क्रोएसिया विरुद्ध यूरो कप २०२४ मा रोमाञ्चक बराबरी खेलेको छ । समूह बी अन्तर्गत आ-आफ्ना दोस्रो खेलमा अल्बानिया र क्रोएसियाले २-२ को बराबरी खेलेका हुन् । खेलको सुरुवाती समयमा नै अग्रता लिएको अल्बानियाले दोस्रो हाफमा दुई मिनेटको अन्तरालमा दुई गोल खाँदै पछि पर्न पुगेको […]

Success

Thank you for your time.