काठमाडौं (हाम्रो खेलकुद) – नेपालले चार देश सम्मिलित महिला टि२० आई खेलमा कुवेतविरुद्ध टेस्ट शैलीमा लज्जास्पद ब्याटिङ प्रदर्शन गरेको छ । बायोमास ओभलमा टस हारेर पाहिला ब्याटिङको निम्तो पाएको नेपालले १५ ओभरमा ७ विकेट गुमाउँदै ५६ रन बनाएको छ ।

काजोल श्रेष्ठ ३ बल खेल्दा खाता खोल्न सकेकी छैनिन् । इन्दु बर्मा ७ बलमा १ चौकासहित१० रनमा नट आउट छिन् । नेपालबाट एक मात्रै चौका इन्दुले प्रहार गरेकी छिन् । नेपाललाई पहिलो बाउन्ड्री १४ औं ओभरको चौथो बलमा इन्दु बर्माले शान्तीलाई चौका प्रहार गरेकी थिइन् ।

नेपालले ८२ बलपछि बाउन्ड्रीको रुपमा पहिलो चौका प्रहार गरेको थियो । लज्जास्पद प्रदर्शन गरेको नेपालले टेस्ट शैलीलाई निरन्तरता दिएको छ ।

नेपालले पहिलो ओभरको दोस्रो बलमै ओपनर पुजा महतोलाई शून्यमा गुमाएको थियो । पुजा मरियम हैदरको बलमा क्याच आउट भइन् । हैदरकै बलमा सम्झना खड्का १ रनमा आउट भइन् । नेपालले कुनैपनि समय र बलमा आक्रामता देखाउन सकेन ।

अनुभवी ब्याटर सीता रानामगर १२ बलमा ७ रनमा क्याच आउट भएकी छिन् । सीता प्रियादा मुरालीबाट शान्तीबाट क्याच आउट भइन् । विन्दु रावल ४५ बलमा २० रनमा आउट भइन् । रुविना क्षेत्री बेलबासे ११ बलमा ५ रन बनाउँदै आउट भइन् । कविता जोशी २ र कविता कुँवर शून्यमा आउट भइन् ।