काठमाडौं (हाम्रो खेलकुद) – नेपालका ओपनर कुशल भुर्तेल भारतविरुद्ध रिभ्यु लिँदै बचेका छन् । हार्दिक पान्ड्याको नवौं ओभरको पहिलो बलमा कुशललाई अम्पायरले एलबीडब्ली आउट दिएका थिए। तर कुशल भुर्तेल रिभ्युलिँदै बचेका थिए । बल लेग स्टम्प बाहिर गएपछि कुशल आउट हुनबाट बचेका थिए ।

पालेकेले इन्टरनेशल क्रिकेट स्टेडियममा टस हारेर पहिला ब्याटिङको निम्तो पाएको नेपालले ९ ओभरमा कुनै विकेट नगुमाई ५३ रन बनाएको छ । आसिफ शेख ३३ बलमा ४ चौकासहित २० रनमा क्रिजमा छन् । कुशल भुर्तेल २१ बलमा ३ चौका र १ छक्कासहित २९ रनमा क्रिजमा छन् ।

त्यसअघि नेपालका ओपनरले तीन जीवनदान पाई सकेका छन् । कुशल भुर्तेलले दुई र आसिफले एक जीवनदान पाएका थिए । तीव्र गतिका बलर मोहम्मद शामीको पहिलो ओभरको अन्तिम बलमा बल एज लागेर फस्ट स्लिपमा जादा श्रेयस ऐरले कुशल भुर्तेललाई ब्यक्तिगत एक रनमा जीवनदान दिएका थिए ।

दोस्रो ओभरको पहिलो बलमा आसिफलाई एक रनै विराट कोहलीले जीवनदान दिएका थिए । कभरमा प्रहार गरेको सर्ट विराट कोहलीले सर्ट कभरमा जीवनदान दिन पुगेका थिए ।

शामीको पाँचौं ओभरको दोस्रो बलमा लेग साइडमा खेलेको बल विकेटकिपर ईशान किशनले पुन छाड्न पुगेका थिए । कुशलले दोस्रो जीवनदान ब्यक्तिगत ७ रनमा पाएका थिए ।