default_image

7 months ago

October 11, 2023

अफगानिस्तानमाथि नेपालको रोमान्चक जित

9190 views

0 Bookmark

एजेन्सी – नेपालले श्रीलंकामा जारी काभा पुरुष भलिबल च्यालेन्ज कपको आफ्नो तेस्रो खेलमा अफगानिस्तानमाथि रोमान्चक जित हात पारेको छ । नेपालले अफगानिस्तानलाई ३-२ को सेटमा पराजित गर्दै दोस्रो जित हात पारेको हो ।

नेपालले अफगानिस्तानलाई २५-१९,१९-२५, २२-२५, २५-२१ र १५-१० ले जित हात पारेको हो । पहिलो सेट जितेपनि त्यसपछि लगातार दुई सेट गुमाएपछि नेपाल एक समय २-१ ले पछि थियो । तर चौथो र पाँचौं सेटमा जितका साथ नेपालले खेल जितेको हो ।

पहिलाे सेटमा सुरुवातदेखि नै अग्रता लिएको नेपालले त्यसलाई जाेगाउँदै खेल आफ्नो पक्षमा पार्दा अफगानिस्तान खेलमा फर्कन सकेन । दोस्रो सेटमा नेपालको सुरुवात खराव रह्यो । सुरुमै ६-० ले पछि परेको नेपाल एक समय ८-१८ ले पछि पर्यो । त्यसपछि पुनरागमन प्रयास गर्दै खेललाई १७-२१ स्थितिमा ल्याएपनि नेपाल सफल हुन सकेन ।

तेस्रो सेटमा पनि नेपालको सुरुवात राम्रो हुन सकेन । एक समय ७-१४ ले पछि रहेको नेपालले खेललाई २२-२२ को स्थितिमा ल्याएपनि त्यसपछि लगातार अंक गुमाउँदै सेट पनि गुमाउन पुग्यो ।

चौथो सेटमा पनि राम्रो सुरुवात गर्न नसकेको नेपालले सानदार पुनरागमन गर्दै जित निकाल्दै खेललाई पाँचौ सेटमा लम्ब्याए । एक समय ११-१६ ले पछि रहेको नेपालले लगातार ५ अंक जाेडेर खेललाई १६-१६ को बराबरीमा ल्याए । १७-१७ को स्थितिबाट नेपाल अघि बढ्दै जित निकाल्न सफल भयो । त्यसपछि अफगानिस्तानले ४ अंक मात्रै जाेड्यो ।

निर्णायक तथा पाँचौ सेटमा नेपाल सुरुमै २-० ले अघि रहेपनि एक समय खेलमा पछि पर्यो । हरेक पक्षमा अब्बल प्रदर्शन गरेको नेपालले ८-८ को बराबरीबाट अग्रता लिदै जित निकाल्न सफल भयो ।

नेपालले यसअघिका दुई मध्ये एक खेलमा जित र अर्कोमा हार बेहोरेको थियो । दोस्रो खेलमा आयोजक श्रीलंकासँग मंगलबार ३–० ले पराजित भएको नेपालले पहिलो खेलमा बंगलादेशलाई ३–१ ले हराएको थियो ।

६ टोलीको सहभागिता रहेको च्यालेन्ज कपमा राउन्ड रोविन लिगपछि अंकतालिकाका शीर्ष २ टोलीले फाइनल तथा त्यसपछिका दुई टोलीले तेस्रो स्थानका लागि प्रतिस्पर्धा गर्नेछन् ।

नेपालले असोज २५ गते आराम दिइएको च्यालेन्ज कपमा नेपालले असोज २६ गते साउदीसँग र असोज २७ गते उज्वेकिस्तानसँग खेल्नेछ । फाइनल र तेस्रो स्थानको खेल असोज २८ गते हुनेछ ।

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 19, 2024

सेपाकताक्रो विश्व कप – नेपालसँग जर्मनी पराजित

काठमाडौं (हाम्रो खेलकुद) – मलेसियाको क्वालालम्पुरमा जारी सेपाकताक्रो विश्व कपमा नेपालले जर्मनीलाई हराएको छ । आज भएको रेगु q नेपालले जर्मनीलाई २–० ले हराएको छ । पहिलो दिन शनिबार रेगु इभेन्टमै फ्रान्सलाई २–१ हराएको नेपालले अर्को डबल इभेन्टमा खेल भने चाइनिज ताइपेसँग पराजित भएको थियो । रेगु इभेन्टमा ३ खेलाडी खेल्ने २ खेलाडी बाहिर रहन्छन् […]

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

Success

Thank you for your time.