एजेन्सी – न्युजिल्यान्डका डर्याल मिचेलले आइसिसी विश्वकप २०२३ को पहिलो सेमिफाइनल खेलमा भारतले दिएको विशाल लक्ष्य पछ्याउने क्रममा सानदार शतक हानेका छन् ।

मिचेल ८५ बलमा ८ चौका र ५ छक्कासहित १ सय रनमा खेलेका छन्

जितको लागि ३ सय ९८ रनको विशाल लक्ष्य पछ्याएको न्युजिल्यान्डले ३२.२ ओभरमा ३ विकेट गुमाउँदै २ सय २० रन बनाएको छ ।

केन विलियम्सन ७३ बलमा ७ चौका र १ छक्कासहित ६९ रनमा क्याच आउट भए । केन र मिचेलले तेस्रो विकेटका लागि १ सय ८१ रनको साझेदारी गरेका थिए ।

भारतलाई सुरुवातमा मोहम्मद शामीले दुबै ओपनरलाई आउट गर्दै उत्कृष्ट सुरुवात दिलाएका थिए ।
दुबै ओपनर रचिन रबिन्द्र र डेभन कन्वे एज लागेर विकेटकिपर लोकेश राहुलबाट समान १३ रनमा क्याच आउट भएका थिए ।

त्यसअघि वानखडे क्रिकेट स्टेडियम मुम्बईमा टस जितेर पहिला ब्याटिङ रोजेको भारतले निर्धारित ५० ओभरमा ४ विकेट गुमाउँदै ३ सय ९८ रन बनाएको थियो ।

भारतका युवा ब्याटर श्रेयस ऎरले ७० बलमा ४ चौका र ८ छक्कासहित १ सय ५ रनको विस्फोटक शतकीय इनिङ खेलेका थिए ।

विराट कोहलीले १ सय १३ बलमा ९ चौका र २ छक्कासहित सर्वाधिक १ सय १७ रनको शतकिय इनिङ खेलेका थिए ।

न्युजिल्यान्डका टिम साउथीले १० ओभरमा १ सय रन खर्चेर सर्वाधिक ३ विकेट लिएका थिए ।