काठमाडौं (हाम्रो खेलकुद) – नेपाली गल्फको व्यावसायिक टुर सूर्य नेपाल गल्फ टुर २०२३-२४ सोमबारदेखि सुरु हॅुदैछ ।

गोकर्ण गल्फ क्लबमा सूर्य नेपाल सेन्ट्रल ओपनसॅगै नयॅा सिजन सुरुवात हुने भएको हो । ४ दिन चल्ने प्रतियोगितामा ४० जनाको सहभागिता रहने अपेक्षा गरिएको छ । शीर्ष २१ प्रो र ६ एमेच्योरले मात्र कट पार गरेर अन्तिम ३६ होल खेल्नेछन् ।

प्रतियोगिताको विजेताले १ लाख ४५ हजार रुपैयॅा पाउनेछन् । उपविजेताले ९४ हजार र तेस्रो हुनेले ७० हजार प्राप्त गर्नेछन् । कट पार गर्ने प्रोले नगद पुरस्कार पाउनेछन् ।

नेपाल नम्बर १ शुक्रबहादुर राई र शीर्ष एमेच्योर सुभाष तामाङ दुवै यस प्रतियोगिता खेल्ने छैनन् । भुवन नगरकोटी, निरज तामाङ, धनबहादुर थापा, संजय लामासॅगै एमेच्योर सद्भाव आचार्य उपाधि दावेदारको रुपमा रहेका छन् ।

टुर अन्तर्गत यस सिजन ८ प्रतियोगिता हुनेछ । कुल पुरस्कार रकम ६४ लाख ३६ हजार रहेको छ । टुरमा ३ ह्यान्डिक्याप भन्दा कम रहेका एमेच्योरले खेल्न पाउनेछन् ।

प्रोफेसनल गल्फर संघ नेपालका अध्यक्ष रविन्द्रमान श्रेष्ठले १७ औं वर्षसम्म सहकार्य गर्न पाएकोमा सूर्य नेपाललाई धन्यवाद दिए । उनले यस टुरले विगतजस्तै नयॅा गल्फर उत्पादनमा सहयोग पुर्याउने विश्वास व्यक्त गरे ।