काठमाडौं (हाम्रो खेलकुद)– आयोजक माल्दिभ्ससँग खेल्दै शुक्रबार नेपाली टोलीले महिला विश्व भलिबल च्याम्पियनसिपअन्तर्गत एसियाली सेन्ट्रल जोन छनोटको यात्रा प्रारम्भ गर्नेछ । बिहीबार माल्दिभ्स पुगेकै दिन नेपाली टोलीले अभ्यास गरेको थियो ।

लिफ्टर विनिता बुढाथोकीको कप्तानीमा रहेको नेपाली टोलीमा सरस्वती चौधरी,प्रतिभा माली, नेविका चौधरी र उप कप्तान मञ्जु गुरुङले ओपन स्पाइकरको तथा रेश्मा भण्डारी र अरुणा शाहीले ब्याक स्पाइकमा छन् । कोपिला उप्रेती, उषाकुमारी विष्ट, र मनिषा चौधरीले क्विइक स्पाईकको भूमिका निर्वाह गर्नेछन् । टोलीमा दोश्रो सेटरको रुपमा कृपा अधिकारी र लिवे्ररोमा कमला पुन रहेका छन् । सुदेशकुमार रिमाल मुख्य प्रशिक्षक रहेको टोलीमा सलिना श्रेष्ठ सहायक प्रशिक्षक र जुनु पुन मगर व्यवस्थापकका रुपमा छिन् ।

तीन राष्ट्रको सहभागिता रहेको छनोटमा शनिबार नेपालले इरानको सामना गर्नेछ । माल्दिभ्स र इरानबीच आइतबार खेल हुनेछ । अन्तर्राष्ट्रिय भलिबल महासंघ (एफआइभिबी) को आयोजनामा हुने प्रतियोगितामा नेपाली महिला टोलीले भाग लिन लागेको यो पहिलो पटक हो । नेपालको पुरुष टोलीले भने दुई पटक एभिसी एसियाली सेन्ट्रल जोन च्याम्पियनसिपमा प्रतिस्पर्धा गरिसकेको छ ।

प्रशिक्षणका तस्बिरहरु-