काठमाडौं(हाम्रो खेलकुद) – नेपाल प्रिमियर लिग(एनपिएल) को शनिवारको पहिलो खेलमा पोखरा एभेन्जर्सविरुद्ध काठमाडौं गुर्खाजले टस जितेको छ ।

कीर्तिपुरस्थित टियु क्रिकेट मैदानमा काठमाडौंका कप्तान करण केसीले टस जितेर बलिङ रोजेका छन् ।

यस खेलमा विजयी हुने टोलीको प्लेअफ प्रवेशको सम्भावना बलियो रहने छ । पराजित हुने टोलीको पनि अंक गणितीय सम्भावना कायमै रहनेछ ।

बिहीवार विराटनगर किंग्सलाई सुपर ओभरमा पराजित गरेको टोलीमा पोखराको टोलीमा ३ परिवर्तन भएको छ । विराटनगरविरुद्ध खेलेका किरण ठगुन्ना, तृत राज दास र जेन मल्लिक बेन्चमा रहँदा आकर्षित गोमिलले एनपिएल डेब्यु गरेका छन् । पोखराका लागि दिलिप नाथ र आकाश चन्द टिममा फर्किएका छन् ।

पोखरा एभेन्जर्सको प्लेइङ-११

कुशल भुर्तेल, आकाश चन्द, सागर ढकाल, दिनेश खरेल, माईकल लिस्क, नारायण जोशी, दिलिप नाथ, विपिन खत्री, आन्द्रेस गौस(विकेटकिपर), रेमन रिफर, आकर्षित गोमिल

बिहीवार जनकपुर बोल्ट्ससँग खेलेको काठमाडौंको टोलीमा २ परिवर्तन भएको छ । डान डाउथवेट र सुमित महर्जन बेन्चमा रहँदा राजु रिजाल र नाथन स्वटर मौका पाएका छन् ।

काठमाडौं गुर्खाजको प्लेइङ–११

करण केसी, जेर्हाड एरास्मस, भीम सार्की, साहव आलम, दीपेश कंडेल, रसिद खान, राजु रिजाल, प्रतिक श्रेष्ठ, माइकल लेभिट, स्टेफन स्किनाजी, नाथन स्वटर