4 weeks ago
January 17, 2025
काठमाडौं (हाम्रो खेलकुद)- राष्ट्रिय बिच भलिबको महिला र पुरुष दुवैतर्फ विभागीय जोडी मात्रै सेमिफाइनल पुग्न सफल भएको छ।
महिलातर्फ नेपाल पुलिस क्लब र एपिएफका दुवै जोडी सेमिफाइनल पुगेको छ । पुरुष दुवैतर्फ एपिएफको दुवै टोली तथा त्रिभुवन आर्मी क्लब र पुलिसको समान एक जोडी सेमिफाइनल पुगेको छ ।
सिन्धुपाल्चोकको चौतारा सागाँ चोकगढी नगरपालिकाको सुकुटेस्थित भोटेकोशी बिच रिसोर्टमा शुक्रवार आर्मी क्लबकाका टिकराज तामाङ र सूर्य परियारको जोडीले आफ्नै क्लबका दीनेश चन्द र महेश पन्तको जोडीलाई २-० सेटले हरायो।
आठौं राष्ट्रिय बिच भलिबल क्वाटरफाइनलमा एपिएफको बलिराम चौधरी र रमेश विकको जोडीले मधेश प्रदेशको विनय चौधरी र धिरेश चौधरीको जोडीलाई २-० सेटले पराजित गर्यो।
पुलिसका चन्द्र कुवँर र सफल विकको जोडीले आफ्नै क्लबका रविन चन्द र पहल गहतराजको जोडीलाई २-१ सेटले हराउँदै सेमिफाइनल पुगेको हो।
एपिएफका महेन्द्र श्रेष्ठ र राजकुमार निरौलाले कर्णाली प्रदेशका जयप्रकाश पुन र दीपक नेपालीको जोडीलाई २-० सेटले हरायो।
आजै हुने सेमिफाइनलमा आर्मीका टिकराज र सूर्यको जोडीले एपिएफका बलिराम र रमेशको जोडीको सामना गर्नेछ। अर्को सेमिफाइनल पुलिसका चन्द्र र सफलको जोडी तथा एपिएफको महेन्द्र र राजकुमारको जोडीबिच हुनेछ।
दुवै सेमिफाइनलमा पुलिस र एपिएफ जोडी भिड्ने
एपिएफको रस्मिता दुरा र जस्ना महतोको जोडीले सुदूरपश्चिम प्रदेशका संगिता विष्ट र सरिता चन्दको जोडीलाई २-० सेटले हराउँदै सातौं महिला राष्ट्रिय बिच भलिबलको सेमिफाइनलमा पुगेको छ।
काभा महिला बिच भलिबलको विजेता पुलिसका कमला पुन र मनिषा चौधरीको जोडीले आर्मी क्लबका सुनिता राई र भावना डाँगीको जोडीलाई २-० सेटले हराउँदै सेमिफाइनलमा पुगेको हो।
क्वाटरफाइनलमा एपिएफका निरुता ठगुन्ना र नेविका चौधरीको जोडीले गण्डकी प्रदेशका सोइङ थापा र प्रतीक्षा सेनठकुरीलाई २-० को सेटले पराजित गर्यो।
पुलिसका पुनम चन्द र कामना विष्टको जोडी बागमतीको मिना जर्घामगर र सविना भुजेलको जोडीलाई २-० सेटले हराउँदै सेमिफाइनलमा पुगेको छ।
आजै हुने सेमिफाइनलमा एपिएफका रस्मिता र जस्नाको जोडीले पुलिसका कमला र मनिषाको जोडीको सामना गर्नेछ। अर्को सेमिफाइनल एपिएफका निरुता र नेविकाको जोडी तथा पुनम र कामनाको जोडीबीच हुनेछ।
नेपाल भलिबल संघको वार्षिक कार्यक्रममा रहेको च्याम्पियनसिपलाई जिल्ला भलिबल संघ सिन्धुपाल्चोक र सिन्धु सुकुटे पर्यटन व्यवसायी संघले आयोजना गरेको हो।
February 13, 2025
काठमाडौं (हाम्रो खेलकुद)- टाइम्स ‘ए’ ले अन्तर्राष्ट्रिय थ्रीबाई थ्री एनबिसी नेपाल बास्केटबल च्याम्पियनसिपको उपाधि जितेको छ। बुधबार राति भएको फाइनलमा राइभल पाकिस्तानलाई २१–१७ ले हराउँदै टाइम्स ‘ए’ लगातार दोस्रो पटक च्याम्पियन बनेको हो। त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको खेलमा टाइम्सलाई जित दिलाउन सदीश प्रधानको प्रदर्शन उत्कृष्ट रहयो। यसअघि बुधबार नै भएको पहिलो सेमिफाइनलमा […]
February 13, 2025
एजेन्सी – विश्व कप लिग टु अन्तर्गत अमेरिका ओमानसँग पराजित भएको छ । अमेरिका बुधवार ओमानसँग ७ विकेटले पराजित भयो । १ सय ५२ रनको लक्ष्य ओमानले ४५.५ ओभरमा ३ विकेट गुमाएर पूरा गर्यो । ओमानको जितमा कप्तान जतिन्दर सिंहले नट आउट रहँदै सर्वाधिक ८२ रन जोडे । उनले १ सय २७ बलको सामना गर्दै […]
February 13, 2025
एजेन्सी – बायर्न म्युनिखले च्याम्पियन्सिप लिग प्ले अफको पहिलो लेग जितेको छ। बायर्नले बुधवार स्कटल्याण्डको सेल्टिकलाई २-१ ले हरायो । बायर्नलाई जिताउन माइकल ओलिस र हेरी केनले गोल गरे । सेल्टिकका डेजेन मेडाले गोल फर्काए । बायर्नका ओलिसले पहिलो हाफको अन्तिम मिनेटमा गोल गर्दै अग्रता दिलाए । दोस्रो हाफको चौथो मिनेटमा केनले गोल गर्दै बार्यनको […]