पोखरा (हाम्रो खेलकुद)- सूर्य नेपाल वेस्टर्न ओपनको २५औं संस्करण पोखराको हिमालयन गल्फ कोर्समा बुधवार सुरु हुँदैछ।

५४ होलको तीन दिने प्रतियोगितामा ३४ भन्दा बढी प्रोफेसनल र १४ एमेच्योर गल्फरले उपाधिका लागि प्रतिस्पर्धा गर्नेछन्।

डिफेन्डिङ च्याम्पियन भुवन नगरकोटी इस्टर्न ओपनका विजेता निरज तामाङ तथा सञ्जय लामा र जयराम श्रेष्ठलाई दाबेदार मान्न सकिन्छ।

गत संस्करण रेकर्ड स्कोरमा उपाधि जितेका नेपाल नम्बर एक प्रोफेसनल गल्फर भुवन यो सिजन पहिलो उपाधि जित्ने दाउमा रहनेछन्। उनलाई नम्बर एक प्रोको स्थान जिगाउन पनि उपाधि जित्ने दबाब रहेको छ।

ॐयो सिजन एक-एक उपाधि जितिसकेका एमेच्योर खेलाडी सदभाव आचार्य र राहुल विकेले पोखरामा भने भाग नलिने भएका छन्।

प्राकृतिक रूपमा अत्यन्तै आकर्षक हिमालयन गल्फ कोर्सलाई नेपालकै सबैभन्दा कठिन गल्फ कोर्स पनि मानिन्छ। दुई दिनपछि कट लागु हुनेछ। शीर्ष २१ भित्र पर्ने खेलाडीले अन्तिम १८ होलको लागि स्थान बनाउनेछन्।

प्रतियोगिताको कुल पुरस्कार राशी ८ लाख ८२ हजार रुपैयाँ रहेको छ। विजेताले १ लाख ५० हजार, दोस्रोले‌ १ लाख र तेस्रो हुनेले ७२ हजार रुपैयाँ प्राप्त गर्नेछन्।

नेपाल प्रोफेसनल गल्फर्स एसोसिएसनद्वारा आयोजित र सूर्य नेपाल प्रा.लि. द्वारा प्रायोजित प्रतियोगितामा ३६ होलको समाप्तीमा कट लागु हुनेछ। शनिबार प्रो-एम प्रतियोगिता हुनेछ।

सूर्य नेपाल गल्फ टुर २०२४-२५ अन्तर्ययो चौथो प्रतियोगिता हो। यो सिजन कुल आठ प्रतियोगिता हुनेछन्।

पहिलो प्रतियोगिता काठमाडौं ओपनको उपाधि एमेच्योर सदभाव आचार्यले र दोस्रो प्रतियोगिता सेन्ट्रल ओपनको उपाधि अर्का एमेच्योर राहुल विकेले जितेका थिए। तेस्रो प्रतियोगिता वेस्टर्न ओपन भने निरज तामाङले आफ्नो नाममा लेखाएका थिए।