10 months ago
February 6, 2025
काठमाडौं (हाम्रो खेलकुद)- नेपाली राष्ट्रिय महिला भलिबल टोली तथा एपिएफकी स्पाइकर सरस्वती चौधरी अस्ट्रेलिया फर्किएकी छिन्।
एपिएफबाट १२ वर्ष व्यवसायिक भलिबल खेलेकी सरस्वती ९ बर्षअघि सशस्त्र प्रहरीमा भर्ती भएकी थिइन् । सशस्त्रबाट राजीनामा गरेर फर्केकी सरस्वती बिहीवार अस्ट्रेलिया पुगेकी छिन्।
सन् २०१३ बाट राष्ट्रिय टोलीबाट खेल्न थालेकी सरस्वतीले पछिल्लो पटक साउनमा काभा नेसन्स लिगमा नेपालको प्रतिनिधित्व गरेकी थिइन्। राष्ट्रिय टोलीमा बोलाएको खण्डमा आउने उनले हाम्रो खेलकुदलाई बताएकी छिन् ।
‘व्यक्तिगत विकासका लागि नयाँ चुनौतीका साथ यता आएकी छु, उनले भनिन्, केहि दिनमा कलेजमा भर्ना गर्ने तयारीमा छु। राष्ट्रिय टोलीमा बोलाइएको खण्डमा आउनेछु।’
सरस्वती सफल खेलाडीमा पर्छिन्। महिला टोली प्राप्त गरेका सबै सफलतामा उनी मुख्य खेलाडी मध्येकी हुन् । उनी सम्मिलित टोलीले दुई पटक एभिसी सेन्ट्रल जोनमा स्वर्ण पदक जितेको थियो।
१३ औं दक्षिण एसियाली खेलकुद (साग) र काभा नेसन्स लिगमा नेपाल दोस्रो हुँदा पनि उनी टोलीमा थिइन्। साउनमा नेपाल पुलिस क्लबले काभा क्लब च्याम्पियन्सिपमा जित्दा पनि उनी टोलीमा थिइन् ।
एपिएफबाट खेल्दा उनले देशका अधिकांश प्रतियोगिता जितेकी थिइन् । कैलाली धनगढीकी सरस्वतीले पोखरा फिस्टेल एकेडेमीमा बसेर भलिबल प्रशिक्षण गरेकी थिइन् ।
आइतवार पोखरामा भएको पाँचौं संस्करणको टाइगर कप खेल्न उनी स्वदेश फर्किएकी थिइन्। फाइनलमा आयोजक टाइगर ग्रुपसँग एपिएफ पराजित भएको थियो । उनलाई एपिएफ टोलीका खेलाडीले बिदाइ गरेका थिए।
December 7, 2025
काठमाडौं (हाम्रो खेलकुद) – नेपाल प्रिमियर लिग (एनपीएल) अन्तर्गत लिग चरणको अन्तिम खेलमा कर्णाली याक्सले जनकपुर बोल्ट्ससामु १ सय ३० रनको मध्यम लक्ष्य प्रस्तुत गरेको छ । कीर्तिपुरस्थित त्रिवि क्रिकेट मैदानमा जनकपुरले टस जितेर फिल्डिङ रोजेपछि ब्याटिङ गरेको कर्णालीले निर्धारित २० ओभरमा ९ विकेटको क्षतिमा १ सय २९. रनको योगफल तयार पारेको हो । कर्णालीका […]
December 7, 2025
काठमाडौं (हाम्रो खेलकुद)- नेपाल सुपर लिग (एनपिएल) को दोस्रो सिजन अन्तर्गत लिग चरणको अन्तिम खेल आज कर्णाली याक्स र जनकपुर बोल्ट्सबीच हुँदैछ। टस जितेर जनकपुरले फिल्डिङ रोजेको छ। अब कर्णालीले पहिला ब्याटिङ गर्नेछ। साविक विजेता रहेको जनकपुर छैटौं खेलको समाप्तिमा २ अंकका साथ अंक तालिकाको पुछारमा छ। समान २ अंक जोडेको कर्णाली सातौं स्थानमा छ। […]
December 7, 2025
काठमाडौं (हाम्रो खेलकुद)- उमेर समूहका उत्कृष्ट खेलाडी उत्पादन गर्ने उद्देश्यले अन्नपूर्ण आरसीटीले आयोजना गरेको ३० साताको फुटबल स्तर अभिवृद्धि प्रशिक्षण कार्यक्रम आइतबार सम्पन्न भएको छ । असार १४ गते सुरु भएको यस ग्रासरुटको कार्यक्रममा ७१ खेलाडीको सहभागिता थियो । त्यसमध्ये २२ किशोरी रहेका थिए । लैनचोर युवा क्लबको सहयोगमा चैनचोर फुटबल मैदानमा आयोजित प्रशिक्षण कार्यक्रम […]
