4 weeks ago
February 28, 2025
विराटनगर (हाम्रो खेलकुद)- प्रतियोगितामा शीर्ष खेलाडी सिएम शुश्रुत दहाल ७ अंक जोड्दै शुक्रवार प्रथम कोशी खेलकुद महोत्सव अन्तर्गत बुद्धिचाल च्याम्पियन बनेका छन्।
आठ चरणको खेलबाट झापाका २०२१ रेटेड शुश्रुतले स्पष्ट अग्रता लिदै शीर्ष स्थान कब्जा गर्न सफल रहे।
यसप्रतिस्पर्धामा खोटाङका १८८७ रेटेड धिरेन राईले ६.५ अंक जोडेर बुकोल्ज्स् ४२.५ प्वाइन्टको आधारमा दोस्रो भए।
विराटनगर स्थित मारवाडी सेवा सदनको सभाकक्षमा सञ्चालित कडा स्पर्धामा समान ६.५ अंक बनाई १९३२ रेटेड प्रकाशचन्द्र नेपाल बुकोल्ज्स् ३८ प्वाइन्टसहित तेस्रो भए ।
झापा जिल्ला बुद्धिचाल संघको आयोजनामा भएको बुद्धिचाल प्रतियोगितामा ६.५ अंक बनाई १९२२ रेटेड रिसोन थापा ३७.५ प्रोग्रेसिभ प्वाइन्ट सहित चौथो भए। १९८२ रेटेड राजन सुवेदी पाँचौ स्थानमा रहे ।
नेपाल बुद्धिचाल महासंघको प्राविधिक सहयोगमा भएको प्रतियोगितामा शुश्रुतले उपाधिसहित ५० हजार, धिरेनले २५ हजार, प्रकाशले १५ हजार, रिसोनले १० हजार रुपैयाँ प्राप्त गरे।
२९ जना खेलाडीले विभिन्न विधामा पुरस्कार प्राप्त गरे। जसमा उत्कृष्ट महिला प्रथम शान्ति धिमाल, शुशिला गुरुङ दोस्रो र कृतिसारा अधिकारी तेस्रो भइन् ।
उत्कृष्ट सिनियर खेलाडी तर्फ वसन्त लामा पहिलो र मढीराज डाँगी दोस्रो भए।
यस्तै अनरेटेड तर्फ कुशल भण्डारी पहिलो र इकेश नेपाल दोस्रो भए । बिलो १८ सय रेटेडमा महेन्द्र कुमार साम्फाहाम्बे पहिलो र बलबहादुर तामाङ दोस्रो भए । युथ १६ मा आयाम श्रेष्ठ, युथ १४ मा श्रीयश चौलागाईं र युथ १२ वर्ष प्रविशा दवाडी विजयी भए ।
फागुन १३ देखि १६ गते सम्म सञ्चालन भएको प्रतियोगिताको विजेतालाई नेपाल बुद्धिचाल महासंघका अध्यक्ष हेराकाजी महर्जन, महासचिव धरम बहादुर लामा, जिल्ला बुद्धिचाल संघ झापाका अध्यक्ष भुपेन्द्र निरौला, डेपुटी निर्णायक फिडे आर्विटर सोराज ताम्राकार, पूर्व केन्द्रीय सदस्य कृष्ण सिगणदेल लगायतले पुरस्कृत गरे।
March 26, 2025
एजेन्सी – इरान फिफा विश्वकप २०२६ का लागि छनोट भएको छ । उज्वेकिस्तानसँग मंगलवार २–२ गोलको बराबरी खेल्दै इरानले विश्वकपमा स्थान पक्का गरेको हो ।घरेलु मैदानमा भएको खेलमा इरानका लागि मेहदी तारेमीले २ गोल गरे । उज्वेकिस्तानका लागि भने खोजिमत एर्किनोभ र एब्बोस्बेक फेजुलेभले गोल गरे । खेलमा सुरुवाती अग्रता उज्वेकिस्तानले बनाएको थियो । १६औं […]
March 26, 2025
एजेन्सी – अर्जेन्टिना फिफा विश्वकप २०२६ को लागि छनोट भएको छ। दक्षिण अमेरिकी छनोट अन्तर्गत उरुग्वे र बोलिभियाबीचको खेल गोलरहित बराबरीमा सकिएपछि ब्राजिलसँग खेल्नुअघि नै साविक विजेता अर्जेन्टिनाको विश्व कप यात्रा पक्का भएको हो । छनोट निश्चित भइसकेपछिको बुधवार बिहान भएको खेलमा अर्जेन्टिनाले ब्राजिललाई ४-१ ले हरायो । घरेलु मैदानमा अर्जेन्टिना एकतर्फी जित दिलाउन जुलियन […]
March 26, 2025
एजेन्सी – पञ्जाब किंग्सले इण्डियन प्रिमियर लिग(आइपिएल) मा विजयी सुरुवात गरेको छ। श्रेयस अय्यरको कप्तानी इनिङमा पञ्जाबले गुजरात टाइटन्सलाई ११ रनले हराउँदै सफल सुरुवात गरेको छ ।२ सय ४४ रनको लक्ष्य पछ्याएको गुजरात ५ विकेटको नोक्सानीमा २ सय ३२ रन बनाउन सक्यो । टप अडरले सुरुवात राम्रो दिलाए पनि मध्यक्रमले त्यसलाई अघि बढाउन सकेन। साई सुदर्शन […]
