काठमाडौं (हाम्रो खेलकुद) – आइसीसी च्याम्पियन्स ट्रफी अन्तर्गत दुबईमा हुने पहिलो सेमिफाइनलमा भारतविरुद्ध अष्ट्रेलियाले टस जितेर पहिलो ब्याटिङ गर्ने निर्णय गरेको छ ।

अष्ट्रेलियाका कप्तान स्टिभ स्मिथले टस जितेर ब्याटिङ रोज्ने क्रममा टोलीमा दुई परिवर्तन पनि गरेका छन् । चोटका कारण प्रतियोगिताबाट बाहिरिएका म्याट सर्टको स्थानमा कुपर कोनोली टोलीमा आएका छन् । त्यस्तै तीव्र गतिका बलर स्पेन्सर जोन्सनको स्थानमा स्पिनर तनवीर संघा टोलीमा छन् ।

भारतले भने टोलीमा कुनै परिवर्तन गरेको छैन । समूह चरणको सबै खेल जितेको भारतका लागि कप्तान रोहित शर्मा र शुभ्मन गिल नै शीर्ष क्रममा छन् । स्पिनरका लागि सहयोगी मानिने पिचमा अष्ट्रेलियाले पनि आज एक पार्ट टाइम र एक विशेषज्ञ स्पिनर थपेको हो ।

भारतको प्लेइङ ११:

रोहित शर्मा, शुभ्मन गिल, विराट कोहली, श्रेयस ऐर, अक्षर पटेल, केएल राहुल, हार्दिक पान्ड्या, रविन्द्र जडेजा, मोहमद शामी, कुलदिप यादव, वरुण चक्रवर्ती

अष्ट्रेलिया प्लेइङ ११:

कुपर कोनोली, ट्राभिस हेड, स्टिभ स्मिथ, मार्नस लाबूसेन, जोश इंग्लिस, एलेक्स क्यारी, ग्लेन म्याक्स्वेल, बेन ड्वारसिअस, नेथन एलिस, एडम जाम्पा, तनवीर संघा

दोस्रो सेमिफाइनल बुधबार न्युजिल्याण्ड र दक्षिण अफ्रीकाबीच हुनेछ ।