3 weeks ago
May 27, 2025
काठमाडौं (हाम्रो खेलकुद)- अखिल नेपाल फुटबल संघ (एन्फा) ले थाइल्याण्ड विरुद्धको मैत्रिपूर्ण खेल खेल्न जाने नेपाली महिला फुटबल टोलीलाई आज बिदाइ गरेको छ।
नेपालले बैंककमा दुई मैत्रिपूर्ण खेल खेल्ने छ। जेठ १६ (मे ३० मा) क्लोज डोरमा र जेठ १९ (जुन २ ) मा अन्तर्राष्ट्रिय मैत्रीपूर्ण खेल थाइल्याण्डसँग नै ओपन डोरमा बैंककमा खेल्ने तालिका रहेको छ।
एन्फा अध्यक्ष पंकज विक्रम नेम्वाङ, महासचिव किरण राई लगायतले खेलाडी तथा पदाधिकारीलाई बिदाइ गरे।
बिदाइमा एन्फा अध्यक्ष नेम्वाङले नेपाली टिमले राम्रो प्रदर्शन गर्नेमा आशावादी रहेको भन्दै उत्कृष्ट प्रदर्शन गर्नेमा विश्वस्त रहेको बताए।
कप्तान अञ्जिला तुम्बापो सुब्बाले नेपाल भन्दा माथिल्लो वरियताको थाइल्याण्डसँगको खेलबाट नेपालले सिक्न कै लागि खेल्ने बताइन्। उनले नेपाली मिडलाइन उत्कृष्ट रहेको र फ्रन्टमा सावित्रा भण्डारीको साथ टोलीको मजुबत पक्ष रहेको प्रतिक्रिया दिइन्।
प्रशिक्षक राजेन्द्र तामाङले फोर नेशन्स भन्दा फरक रहेको डिफेन्समा बढी जोड दिएर प्रशिक्षणलाई केन्द्रीत गरेको जिकिर गरे। साथै उनले विदेशी लिग खेलिरहेका खेलाडी टिमको लागि बलियो पक्ष हुने पनि बताए।
ग्रिसमा विदेशी लिग खेलिरहेकी कप्तान एन्जिला र भुटानमा पहिलो पटक विदेशी लिग खेलेकी पुजा राना तीन दिन अगाडि नेपाल आइपुगेका हुन्। दुई स्ट्राइकर साम्बा र रेखा पौडेल भोलि सिधै थाइल्याण्ड पुग्नेछन्।
यी दुवै खेल नेपालले एएफसी महिला एसियन कप अष्ट्रेलिया २०२६ को छनोट चरणको तयारी स्वरुप खेल्न लागेको हो। छनोट मे ४ देखि सुरु हुनेछ। नेपाल समूह ‘एफ’ मा लाओस, श्रीलंका र उज्बेकिस्तानसँग रहेको छ।
३४ टिमहरूलाई छ वटा समूहमा चार-चार टिम र दुई वटा समूहमा पाँच-पाँच टिम गरी विभाजन गरिएको छ। छनोट चरणहरू क्याम्बोडिया, इन्डोनेसिया, जोर्डन, म्यानमार, ताजिकिस्तान, थाईल्यान्ड, उज्वेकिस्तान र भियतनाममा हुनेछन्।
आठ समूह विजेताहरूले सन् २०२६ को मार्च १ देखि २६ सम्म हुने फाइनल चरणमा डिफेन्डिङ च्याम्पियन चीन , कोरिया रिपब्लिक र जापानसँग प्रतिस्पर्धा गर्नेछन्। नेपाली टिम भोलि थाइल्याण्ड प्रस्थान गर्नेछ।
नेपाली राष्ट्रिय महिला टोली
गोलकिपर : अञ्जिला तुम्बापो सुब्बा (कप्तान), अञ्जना राना मगर, उषा नाथ
डिफेन्डर : अमृता जैसी, गीता राना, विमला बि.क., पूजा राना, निशा थोकर, समिक्षा घिमिरे, मनमाया दमाई
मिडफिल्डर: अनिता बस्नेत, विमला चौधरी, रेनुका नगरकोटी, प्रीति राई, सरु लिम्बू, सबिता राना मगर, सरस्वती हमाल, सुष्मा तामाङ
फरवार्ड : सबित्रा भण्डारी, रश्मी कुमारी घिसिङ, चन्द्रा भण्डारी, अनिता के.सी., रेखा पौडेल
June 16, 2025
एजेन्सी – बुन्डेसलिगा च्याम्पियन बायर्न म्युनिखले अमेरिकामा जारी फिफा क्लब विश्वकपमा न्युजिल्याण्डको अकल्याण्ड सिटीलाई १०-० ले पराजित गरेको छ। क्लब विश्वकप इतिहासकै यो अहिलेसम्म कै फराकिलो अन्तरको नतिजा हो । भिन्सेन्ट कम्पनीको नेतृत्वमा रहेको बायर्नले पूर्ण रुपमा खेलमा नियन्त्रण बनायो। जमाल मुसियालाले ह्याट्रिक र थोमस मुलरले २ गोल गरे। क्लबबाट बिदाइको तयारी गरिरहेका मुलरका लागि […]
June 16, 2025
सुशील पन्त क्षेत्री,भरतपुर सूर्यपुर एफसीले चौथो पेन्गुईन भरतपुर २४ गोल्डकप फुटबलको उपाधि जितेको छ । हानामी भरतपुर फुटबल क्लब (बिएफसी) लाई आइतवार ३-१ ले हराउँदै सूर्यपुर च्याम्पियन बनेको हो । दोस्रो पटक यस प्रतियोगितामा सहभागी सूर्यपुरले पहिलो पटक उपाधि जितेको हो । पहिलो संस्करणको विजेता बिएफसी भने चौथी संस्करणमा उपविजेतामा सीमित भएको छ । सूर्यपुरको […]
June 15, 2025
हिमाल खरेल, बिर्तामोड झापामा संघ गठन भएको झन्डै अढाई दशकपछि आयोजना भएको जिल्लास्तरीय टेबल टेनिस प्रतियोगिताको उपाधि स्वयम् अधिकारी र निर्जला भट्टराईले जितेका छन् । झापाको बिर्तामोडमा भएको प्रतियोगिताको खुला सिंगल स्पर्धामा बिर्तामोडका स्वयम् र अर्जुनधाराकी निर्जलाले सोझो सेटमा जित निकाल्दै झापा च्याम्पियन बनेका हुन् । प्रतियोगितामा पुरुषतर्फ बिर्तामोडका दिपक भेटवाल दोस्रो र अर्जुनधाराका गौरव […]
