काठमाडौं (हाम्रो खेलकुद)- नेपाल पुलिस क्लबले नवौं पिएम कप एनभिए लिगको पुरुषतर्तेफ तेस्रो स्थान प्राप्त गरेको छ।

त्रिभुवन आर्मी क्लबलाई ३-१ ले हराउँदै पुलिस तेस्रो भएको हो। पोखराको कभर्ड हलमा भएको तेस्रो स्थानको प्रतिस्पर्धाको पहिलो सेट प्रतिस्पर्धात्मक बन्यो।

जहाँ २७-२५ ले पहिलो सेट पुलिसले जित्यो। दोस्रो सेट सहजै २५-२० ले जित्दा पुलिसले २-० को स्पष्ट अगता बनायो।

२-० ले पछि परेको आर्मीले पुलिसलाई तेस्रो सेटमा कडा चुनौती दियो। यो सेट पुलिसले २३-२५ ले गुमायो। आर्मीले खेलमा फर्कने संकेत देखायो। तर यो लयलाई निरन्तरता दिन भने सकेन्।

चौथो सेट एकपक्षीय शैलीमा पुलिसले २५-१४ ले आनो पक्षमा पार्यो। यो सँगै ३-१ को जितमा पुलिस तेस्रो भयो। आर्मीले चौथो स्थानमा रहेर लिग पूरा गर्यो।

लिग चरणमा पुलिस र आर्मी दुवैले पाँच खेल जितेर १४ अंक सहित तेस्रो स्थानको प्रतिस्पर्धाका लागि छनोट भएका थिए।

महिलातर्फ एभरेष्ट भलिबल क्लब तेस्रो भएको छ। नेपाल एपिएफ क्लबलाई ३-१ सेटले हराउँदै एभरेष्टले तेस्रो स्थानमा हासिल गरेको हो।

थाइल्याण्डका ३ खेलाडी सम्मिलित एभरेष्टले २५-१८,१०-२५,२५-१३,२९-२७ ले खेल जितेको हो।
पुरुषतर्फको तेस्रो स्थानका लागि दुई विभागीय टोली नेपाल पुलिस क्लब र त्रिभुवन आर्मी क्लबबीच प्रतिस्पर्धा हुनेछ।

आजै हुने फाइनलमा महिलातर्फ पुलिस र टिप टप न्यु डायमण्ड स्पोर्टस क्लब तथा पुरुषतर्फ गण्डकी प्रदेश र हेल्प नेपाल क्लबबीच प्रतिस्पर्धा हुनेछ।

दुवैतर्फको विजेताले ८ लाख, दोस्रो टोलीले ४ लाख र तेस्रो टोलीले २ लाख रुपैयाँ प्राप्त गर्नेछ । सर्वोत्कृष्ट खेलाडीले समान ५० हजार तथा विधागत उत्कृष्टमा समान २५ हजार रुपैयाँ पाउनेछन् ।

पुलिस र न्यु डायमण्ड नेपालमा हुने काभा महिला क्लब च्याम्पियनसिपमाका लागि छनोट भैसकेका छन्।

पुरुषतर्फको विजेताले माल्दिभ्समा हुने जाभा क्लब च्याम्पियनसिपमा नेपालको प्रतिनिधित्व गर्नेछ। हाम्रो खेलकुदको युट्युब च्यानलबाट प्रतियोगिताको प्रत्यक्ष प्रसारण भइरहेको छ।