पोखरा (हाम्रो खेलकुद)- दुई विभागीय टोली नेपाल पुलिस क्लब र नेपाल एपिएफ क्लब आज प्रचण्ड कप राष्ट्रिय महिला भलिबल प्रतियोगिताको फाइनल खेल्दै छन् ।

पछिल्लो समय केहि लय गुमाएको एपिएफले शुक्रवार पोखरा रंगशालास्थित कभर्ड हलमा भएको सेमिफाइनलमा टिप टप न्यु डायमण्ड स्पोर्टस क्लबलाई‌ ३-० को सोझो सेटमा हराउँदै पुलिससँगको भेट पक्का गरेको हो ।

समूह चरणमा गण्डकी प्रदेश र एभरेष्ट भलिबल क्लबमाथि सहज जितका‌ निकाल्दै अघि बढेको न्यु डायमण्डले एपिएफसँग त्यो लयलाई कायम राख्न सकेन ।

एपिएफसँगको पहिलो सेट २५-१७ ले गुमाएको थियो।
दोस्रो सेटमा पुनरागमन गर्ने प्रयास गरेपनि‌ सफल भएन । दोस्रो सेटमा  २४-२५ को स्थितिसम्म थियो । त्यसमा स्कोर गर्दै एपिएफले २६-२४ ले सेट जित्यो ।
तेस्रो सेट २५- १९ ले आफ्नो पक्षमा पार्दै एपिएफले अन्तिम दुईको यात्रा तय गर्यो।

त्यसअघि एभरेष्टलाई ३-० सोझो सेटमा पराजित गर्दै पुलिस फाइनलमा पुगेको थियो । दुई साता मा पुलिससँग दोस्रो उपाधि जित्ने अवसर छ‌ । जेठ १५ गते सोही कभर्ड हलमा न्यु डायमण्डलाई‌ हराउँदै पुलिसले नवौं पिएम कप एनभिए भलिबल लिगको उपाधि जितेको थियो।

हिजो एभरेष्टले पुलिसलाई कुनै पनि सेटमा चुनौती दिन सकेन। पुलिसले २५–१६, २५–१३,२५–११ ले खेल जितेको थियो।

न्यु डायमण्ड र एभरेष्टबीचको तेस्रो स्थानको खेल दिउँसो १ बजे र दुई विभागीय टोलीबीचको फाइनल दिउँसो ३ बजे सुरु हुने बताइएको छ।