पोखरा (हाम्रो खेलकुद)- नेपाल एपिएफकी क्लब प्रचण्ड कप राष्ट्रिय महिला भलिबल प्रतियोगिताको च्याम्पियन बनेको छ।

अर्को विभागीय टोली नेपाल पुलिस क्लबलाई ३-० को सोझो सेटमा हराउँदै एपिएफले वर्षको पहिलो उपाधि जितेको हो।

दुई साताअघि सोही पोखरा रंगशालास्थित कभर्ड हलमा भएको नवौं पिएम कप एनभिए भलिबल लिगमा कमजोर प्रदर्शन गरेको एपिएफले यसपटक सानदार प्रदर्शन गरेको छ।

एपिएफले यसपटक एनभिएको फाइनल खेलेका दुई टोली पुलिस र टिप टप न्यु डायमण्ड स्पोर्टस क्लब दुवैलाई हराउँदै च्याम्पियन बनेको छ। एपिएफले न्यु डायमण्डलाई हिजो सेमिफाइनलमा ३-० कै सोझो सेटमा हराएको थियो।

काभा क्लब च्याम्पियन्स समेत रहेको पुलिसलाई आजको फाइनलमा एपिएफले खुलेर खेल्नै दिएन । परिणाम स्वरुप एपिएफले २५-१९,२५-२०,२५- १३ मा खेल जित्दै च्याम्पियन बनेको हो।

एभरेष्टलाई हराउँदै न्यु डायमण्ड तेस्रो

न्यु डायमण्ड प्रतियोगितामा तेस्रो भएको छ। एभरेष्ट भलिबल क्लबलाईलाई ३-० को सोझो सेटमा हराउँदै न्यु डायमन्ड तेस्रो भएको हो।

पोखरा रंगशालास्थित कभर्डहलमा शनिवार  न्यु डायमन्डले सहज जित निकालेको हो । समूह चरणमा पनि न्यु डायमण्डले एभरेष्टलाई ३-० ले नै हराएको थियो।

न्यु डायमन्डले सुरुआतदेखि खेल नियन्त्रणमा राख्यो। पहिलो सेट २५- ८ ले सहजै आफ्नो पक्षमा पार्‍यो पारेको न्यु डायमण्डले केहि चुनौतीको सामाना गरेपनि खेल २५–१८ ले जित्यो।

तेस्रो सेट  २५- ११ ले आफ्नो पक्षमा पार्दै न्यु डायमण्डले तेस्रो स्थान पक्का गर्यो । न्यु डायमण्डलाई शुक्रवारको सेमिफाइनल भने बिर्सन लायक थियो।

सुरुवाती २ खेल जितेर अघि बढेको न्यु डायमण्ड सेमिफाइनलमा नेपाल  एपिएफ क्लबसँग पराजित भएको थियो।

एभरेष्टलाई हराउँदै नेपाल पुलिस क्लब उपाधि नजिक पुगेको थियो। ५ दिन सम्म चलेको प्रतियोगितामा ६ टोलीको सहभागिता थियो।