टेक्सास (हाम्रो खेलकुद) – सान फ्रान्सिस्कोले नेपाली समुदायबीच भएको एनसएटी इन्टर स्टेट भलिबल प्रतियोगिताको उपाधि जितेको छ।

नेप्लिज सोसाइटी अफ टेक्सास (एनएसटी) ले आयोजना गरेको प्रतियोगितामा रिजउड नेपाली समाजलाई हराउँदै सान फ्रान्सिस्कोले उपाधि जितेको हो।

ग्राण्ड पेरि इमेज भलिबल कोर्टमा आइतवार भएको फाइनलमा सान फ्रान्सिस्कोले रिजउडलाई ३-० को सोझो सेटमा हराएको थियो हो ।

विजेता सान फ्रान्सिस्कोले ८ हजार, रिजउडले ५ हजार ड र तेस्रो भएको वेस्ट रुकुमले २ हजार अमेरिकी डलर प्राप्त गर्यो ।

प्रतियोगितामा व्यक्तिगत बिधामा सान फ्रान्सिस्को का खेलाडी ले एकछत्र राज गरे । दिपक सर्वोत्कृष्ट घोषित भए भने लक्ष्मण उत्कृष्ट ब्लके, गोपाल उत्कृष्ट डिफेन्स , महेन्द्र उत्कृष्ट स्टाइकर र गोपाल उत्कृष्ट लिफ्टर चुनिए।

अमेरिकामा नेपाली समुदायबीच भलिबल लोकप्रिय खेल हो । यसलाई थप विकास र प्रबन्धन गर्न भलिबल आयोजना गरेको एनएसटी स्पोर्ट्स टाक्स भलिबल सदस्य नारायण केसीले हाम्रो खेलकुदलाई जानकारी दिए ।

‘पहिलो पटक आयोजना गर्दा भव्य रुपमा सम्पन्न भएको छ । अर्को वर्ष पनि गर्नेछौं । यसमा सहयोग गर्ने सबैलाई धन्यवाद, केसीले भने ।

प्रतियोगितामा नेपाली समुदायका १६ भलिबल टोलीको सहभागिता थियो। जसमा साजनी एथ्लेटिक क्लब , शाह फाउन्डेसन, ह्युस्टन नेप्लिज भलिबल, सान फ्रान्सिस्को भलिबल टिम, नेपाली मन दिनभर, रिजउड नेपाली समाज, गुर्खाज अस्टिन टिम ए, बि, नेपाली समाज टेक्सास थिए ।
त्यस्तै नेपाल स्टार, रुकुम वेस्ट भलिबल, कोपेल भ्यालि भलिबल, एभलेस्ट फेडरल क्रेडिट युनियन, रुकुम भलिबल टिम , टिम टिकापुर भलिबल टिम, फार वेस्टर्न नेपाली समाज को सहभागिता थियो ।